Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Puntapioa › Dantzan ezin irabazi lasterketarik

Dokumentuaren akzioak

Dantzan ezin irabazi lasterketarik

Puntapioa Puntapioa
2017/11/01 12:20
Dantzan ezin irabazi lasterketarik

Nukleo atomiko baten inguruan dantzan harrapatuta dabilen elektroi bat irudikatzen du Itsaso Gabellanes dantzariak. Argazkia: López de Zubiria / Arte zuzendaria: Santos Bregaña

Elektroi bizkorrenak dantzan hasten direlako azkenak iristen dira helmugara. Horixe diote Donostia International Physics Center-en webgunean eta prentsan zenbait ikertzailek.
Elektroien igorpena zehatz-mehatz kronometratzea lortu dute, eta bizkorrenak zergatik iristen diren azkenak azaldu dute DIPCko eta UPV/EHUko nazioarteko fisikariek, Alemaniako zenbait unibertsitatetako zientzialariekin batera.

Eragin fotoelektrikoaren ondorioz elektroi batek material bat uzten duenean, elektroirik bizkorrenak   iristen dira helmugara beranduen. Zergatik? Irteeran dantzan gelditzen direlako. Hobeto azaltzeko Usain Bolt korrikalaria jarri dute elektroien lekuan; "imajinatu korrika hasi aurretik dantza pixka bat egitea erabaki duelako galdu duela lasterketa Usainek".

Zientzialariek ikerketetan ikusi zuten elektroi bakoitzak energia barrera bat gainditu behar zuela, bitxia bazen ere, elektroi bizkorrenek egiten zuten topo energia barrera altuenekin. Elektroi horiek ezin zituzten lehenengoan gainditu barrerak; hori dela eta, denbora jakin bat ematen zuten harrapatuta, nukleo atomikoen inguruan dantzan.

Lasterka hasi aurretik elektroi batzuek zergatik dantza egiten duten eta beste batzuek ez ulertzea aurrerapauso handia izan daiteke. Aurkikuntza honek, gailu elektronikoak azkarrago ibiltzea lagundu dezake.

Informazioa:

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.