Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Puntapioa › Ainhoa Karrera: "Ez da ulertzen dantza bakarrik egitea: herrian egin behar da"

Dokumentuaren akzioak

Ainhoa Karrera: "Ez da ulertzen dantza bakarrik egitea: herrian egin behar da"

Puntapioa Puntapioa
2023/05/22 07:40
Ainhoa Karrera: "Ez da ulertzen dantza bakarrik egitea: herrian egin behar da"

Argazkia: Itsaso Jauregi / Berria

Afrikako dantzen bueltan dantzen zentzu erritualaz eta sozialaz aritu da Ainhoa Karrera, eta dantzen testuinguruak eta jatorriak duten garrantzia ere azpimarratu ditu Berrian Itsaso Jauregik egin dion elkarrizketan. Afrikako dantzak irakasten dihardu Iruñeko Baobab dantza eskolan eta hainbat herrialdetako erritmoak Euskal Herrira ekartzea du helburu.

Dantza bere osotasunean ulertzeko beharrezkotzat jotzen du sustraietara joatea, jatorrizko herrialdeetara; horrela dantzen testuingurua jasotzen baita. Ikusten du munduko dantza zaharrek badutela zentzu bat: "erritual bati lotuta daude denak, baita euskal dantzak ere", eta iruditzen zaio ezinbestekoa dela jakitea dantza komunitarioak direla denak; "ez da ulertzen dantza bakarrik egitea: herrian egin behar da. Hori ez dugu galdu nahi".

Karrerak ez du bizitza ulertzen dantzarik gabe eta emozio bakoitzeko mugimendu bat dagoela dio, "hitzek engainatzen ahal dute, baina dantzak ez". Dantzaz gain perkusioa ere oso presente du bere jardunean, bien artean erlazio zuzena dagoela ikusten baitu, "perkusioak dantzarik gabe ez dauka zentzurik, eta alderantziz ere ez. Kultura bere osotasunean ulertzeko, biak batera egin behar dira".

Elkarrizketa: «Hitzek engainatzen ahal dute, baina dantzak ez» (Berria, 2023-05-16)

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.