Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Elirale-Pantxika Telleria konpainia › Elirale-Pantxika Telleria : tXIotxioka

Dokumentuaren akzioak

Elirale-Pantxika Telleria : tXIotxioka

Noiz 2025/06/08
10:00
Non Urruña, Sokoako Kiroldegia
Hitzordua egutegira gehitu vCal
iCal
Elirale-Pantxika Telleria : tXIotxioka

tXiotxioka isiltasunean jartzeko eta kontenplazioa-egoera idekitzeko gonbidapena da. Gorputza habia bihurtzen da orduan, Haikuaren hizkuntza poetikoari bide emanez, eta horrek, aldi berean, mugimendua birbanatzen du.

Euskarara itzulitako antzinako japoniar haiku herrikoiak, hitz-jokoak eta txioka lexikoak dira tXiotxioka ikuskizunaren ahozko literaturaren errepertorioa. Hitza mugimenduaren inspirazio iturria da, eta dantzariek hura aprobetxatzen dute, musikari laguntzailearen konplizitatearekin.

Gorputzaren mugimenduak garatuz eta unibertso sonoro sotil bat proposatuz, obrak batez ere publikoa lasaitasunean, baretasunean , eta, zergatik ez, ongizatean murgiltzea nahi du.

Taula eramailea : Pantxika Telleria

Interpreteak : Eztitxu Carrère & Jon Vernier Bareigts

Musikari : Paxkal Irigoyen

Dokumentuaren akzioak

Elirale-Pantxika Telleria konpainia

Elirale-Pantxika Telleria konpainia

EliralE-Pantxika Telleria Konpainiari buruz…

 Donibane Lohizunen sortua, Pantxika Telleria euskal dantza tradizionalaren munduan murgildu zen txikitatik. Nerabezaroan, Pariseko Musika eta Dantza Kontserbatorio Nazionalean sartu zen. Urte batzuk berantago, Bordeleko CAFEDEMeko Dantza Irakasle gisa estatuko diploma lortu zuen, gero 2001ean sortu zuen EliralE.

Konpainia pixkanaka hazten ari da, eta, besteak beste, lehen postua lortu du Eusko Jaurlaritzaren Koreografia Lehiaketan, eta, ondoren, Madrilgo Certamen coreográfico 2017an. Orduz geroztik, konpainiak Ninika edo Mamuka bezalako publiko gazteari zuzendutako sorkuntza errepertorio zabala du, baina baita ere Artha, O! edo orain Fuga!-rekin. Bere hausnarketa eta ekimen aitzindarien bitartez, Elirale dantza konpainia bat baino gehiago da, Euskal Herriko bere lurraldeko biztanleekin kulturalki engaiatua den eragile bihurtu da.

Gaur egun, DRACek (Kultura Ministerioa) onartutako egituraren helburuak bi zutabeetan oinarritzen dira eta deklinatzen dira: sorkuntza/hedapena, eta bitartekaritza esperimentala. Pantxika T.-ren ikerketa eremuak arte koreografikoan eta gorpuztasunaren esplorazioan daude, jendartea eder bilakatzeko eta konfiantza emateko helburuarekin.