Dokumentuaren akzioak
Hasi zarete aurtengo Olentzero prestatzen? Hemen ideia batzuk
Olentzero
Olentzero patxarosa, Olentzero Dantzan 2021.
Olentzero panpinak egiteko gonbita luzatu nahi dizuegu. Sor ditzagun gure Olentzero propioak. Katean ekoizten diren Olentzero panpina klonikoen ordez, egin dezagun gure etxeko, eskolako, lantokiko edo ikasgelako Olentzero. Bakoitzak bere Olentzero, forma eta itxura bereizgarriekin.
Tradizioan era guztietako Olentzeroak ezagutu dira. Leitzan, esaterako, aspalditik Olentzero panpinak egin izan dira etxeetako eta baserrietako atarietan eta leihoetan jartzeko. Olentzero ehiztari, arrantzale, dantzari, txistulari, jostun, artzain, sorgin, ikazkin... Batzuetan zarpail, beste batzuetan dotore, gizon edo emakume edo genero mark argirik gabe!
Gabon hauetarako egin zuen Olentzero eta bidali argazkiak dantzari@dantzan.com emailera eta argitaratu sarean (twitterren, instagramen,...) #OlentzeroDantzan2022 traolarekin. Gainera bideoak grabatzen badituzue Olentzerorekin zaudetela kantuan oraindik eta hobe!
Olentzero Dantzan 2022 parte hartzeko azken eguna abenduaren 20an izango da. Parte-hartzaileen eta izendapenen berri hemen bertan, https://dantzan.eus/kidea/olentzero helbidean emango dugu abenduaren 23an.
Aurreko edizioak
Dokumentuaren akzioak
Erantzun
