Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kultura Eskola Proposamenak Gipuzkoako Kultura Eskolara aurkezteko epea zabalik da

Dokumentuaren akzioak

Proposamenak Gipuzkoako Kultura Eskolara aurkezteko epea zabalik da

2022/03/28 09:45
Proposamenak Gipuzkoako Kultura Eskolara aurkezteko epea zabalik da

Kultura Eskolako 2022ko jarduera bat.

12-16 urte bitarteko ikasleekin Gipuzkoako ikastetxeetan lantzeko dantza proposamenak aurkeztu daitezke maiatzaren 15a bitartean Kultur Eskola programan. Aurkeztutako proposamenen artean aukeraketa egingo da eta hautatutako lanak Kultura Eskola katalogoan txertatuko dira. Horrela, Gipuzkoako ikastetxeek 2022-2023 ikasturtean egiteko jarduerak bilduko ditu katalogokoak. Ekintzak eskola orduetan egitekoak izango dira, ikasle guztiei zuzendutakoak.

Gipuzkoako bigarren hezkuntzako (12-16 urte) ikastetxeei zuzendutako Kultura Eskola programak hainbat arlotako sortzaile eta eragile kulturalen proposamen artistiko-kulturalak biltzen ditu, aukera horien artean dantza alorreko proposamenen katalogoa. Azken bi urtetako deialdietan aukeratu diren proposamenek katalogoan jarraitzen dute, eta orain berriak aurkezteko aukera ireki da.

12-16 urteko ikasleekin garatzeko dantza proiektuak aurkeztu nahi izanez gero bidali proposamena kulturaeskola@gipuzkoa.eus helbidera maiatzaren 15a baino lehen.

Informazio gehiago: Kultura Eskola, nola parte hartu



Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kultura Eskola

Kultura Eskola

Artea eta kultura-ondarea ezagutzeko nerabeei zuzendutako ekimenak jasotzeko eta zabaltzeko esparrua da Gipuzkoako Foru Aldundiaren Kultura Sailak sustatutako Kultura Eskola programa. Programaren helburu nagusia da kultura eta arte jarduera 12 eta 16 urte bitarteko gazteek garatzen dituzten zaletasunen eta interesen parte izatea, sentsibilitatea eta irizpide artistikoa sortzea eta begirada kritikoa garatzen laguntzea; helburu hori kultur eragileen, hezkuntza munduaren eta erakundeen arteko lankidetzari esker lortu ahal izango da.

 

Bide batez, enplegu aukerak sortzen lagundu nahi da oso prekarizatuta dagoen eta orain, inoiz baino gehiago, egoera ekonomiko bereziki zaila bizi duen sektore sortzaile eta kultural batean. Baita irakurketa aretoak, erakusketa aretoak, zinema eta antzerki aretoak hartuko dituzten publiko berriak eta ondare historiko-artistikoaren gaineko ardura izango duten herritarrak sortzea ere, bokazio berriak piztea baztertu gabe.

 

Katalogorako dantza proposamenak

Kultura Eskolaren proposamenekin katalogoa osatzen ari da eta dantza jardueren proposamen berriak 2022ko maiatzaren 15era arte bidali ahal izango dira helbide elektroniko honetara: kulturaeskola@gipuzkoa.eus

Interesatuek, edozein argibide behar izanez gero, helbide honetara jo dezakete: