Dokumentuaren akzioak
Kultura Eskolara dantza proposamenak aurkezteko deialdia zabalik
Kultura Eskola
Kultura Eskolako katalogoan parte hartu nahi duten dantza proposamenak aurkezteko epea uztailaren 15era arte dago zabalik. Katalogorako onartzen diren ekintzak datorren irailean ikastetxeei eskainiko zaizkie. Horrela, 2021-2022 ikasturtean zehar 12-16 urte bitarteko ikasleekin lantzeko dantza jarduerak aukeratu eta programatu ahal izango dituzte. Eskola-orduetan egiteko jarduerak izango dira proposatu beharko direnak, ikasle guztiei zuzendutako proiektuak.
Gipuzkoako bigarren hezkuntzako (12-16 urte) ikastetxeei zuzendutako Kultura Eskola programak hainbat arlotako sortzaile eta eragile kulturalen proposamen artistiko-kulturalak biltzen ditu. Aurreko urtean, Dantzan.eus-ekin elkarlanean, dantza alorreko proposamenen katalogoa sortu zen. 2020an onartu ziren ekintzek katalogoan jarraitzen dute, baina dantzari, dantza-sortzaile eta dantza-eragileek proposamen berriak aurkezteko deialdia ireki da.
12-16 urteko ikasleekin garatzeko dantza proiektuak aurkeztu nahi izanez gero bidali proposamena kulturaeskola@gipuzkoa.eus helbidera uztailaren 15a baino lehen.
Informazio gehiago: Kultura Eskola, nola parte hartu
Dokumentuaren akzioak
Erantzun
Kultura Eskola
Artea eta kultura-ondarea ezagutzeko nerabeei zuzendutako ekimenak jasotzeko eta zabaltzeko esparrua da Gipuzkoako Foru Aldundiaren Kultura Sailak sustatutako Kultura Eskola programa. Programaren helburu nagusia da kultura eta arte jarduera 12 eta 16 urte bitarteko gazteek garatzen dituzten zaletasunen eta interesen parte izatea, sentsibilitatea eta irizpide artistikoa sortzea eta begirada kritikoa garatzen laguntzea; helburu hori kultur eragileen, hezkuntza munduaren eta erakundeen arteko lankidetzari esker lortu ahal izango da.
Bide batez, enplegu aukerak sortzen lagundu nahi da oso prekarizatuta dagoen eta orain, inoiz baino gehiago, egoera ekonomiko bereziki zaila bizi duen sektore sortzaile eta kultural batean. Baita irakurketa aretoak, erakusketa aretoak, zinema eta antzerki aretoak hartuko dituzten publiko berriak eta ondare historiko-artistikoaren gaineko ardura izango duten herritarrak sortzea ere, bokazio berriak piztea baztertu gabe.
Katalogorako dantza proposamenak
Kultura Eskolaren proposamenekin katalogoa osatzen ari da eta dantza jardueren proposamen berriak 2023ko martxoaren 31ra arte bidali ahal izango dira helbide elektroniko honetara: kulturaeskola@gipuzkoa.eus
Interesatuek, edozein argibide behar izanez gero, helbide honetara jo dezakete:
- Kultura Eskola: kulturaeskola@gipuzkoa.eus
- K-Bulegoa: kbulegoa@gipuzkoa.eus 943 113 343
