Dokumentuaren akzioak
2023-2024 ikasturteko Kultura Eskolaren deialdia jada irekita dago
Kultura Eskola
Ikasturte honetan Gipuzkoako bigarren hezkuntzako ikastetxeetan dantza lantzeko proiektuen katalogoa prest da. Kultura Eskolaren deialdia jada irekita dago, eta Gipuzkoako eskolek irailak 26ra arte (barne) jardueren eskaera egiteko aukera dute. Derrigorrezko Bigarren Hezkuntzako eta Oinarrizko Lanbide Heziketako eskoletara eramateko programa dugu honakoa; Gipuzkoako nerabeei kultura jarduerak helarazi, ikasi, praktikatu eta ezagutzekoa.
Proiektuaren helburu nagusia da kultura eta arte jarduera 12 eta 16 urte bitarteko gazteek garatzen dituzten zaletasunen eta interesen parte izatea, sentsibilitatea eta irizpide artistikoa sortzea eta begirada kritikoa garatzen laguntzea. Horretarako ikastetxeetan dantza eta kultura jarduerak antolatuko dira, ikasturtean zehar eta eskola ordutegiaren barruan.
Dantza proiektuen katalogoa
Kultura eragileek eta sortzaileek eskoletan dantza lantzeko hainbat proiektu aurkeztu dituzte, jasotako proiektuen artean hautaketa egin da, eta, azkenik, onartutako proposamenekin katalogoa osatu da. Ikastetxeek beren zentroetara eraman nahiko lituzketen ekintzak hautatzeko aukera dute.
Hauexek dira eskoletan dantza lantzeko katalogoan jaso diren proiektuak:
- Gorputzak ikusgai Compañía Nuria Pérez Danza
- Dantza Garaikidera hurbildu! Dantzaz
- Expectations will not kill you Osa+Mujika
- Gorputzaldiak Adierak Dantza eta Hezkuntza Elkartea
- Ni Jo Yo ME Nuria Pérez Danza
- Gorputzetik ikasten Gorputza da bidea, ongizaterako
- Elkarren artekoa iraultzen [Sorkuntza artistikoa eta talde gozamena sustatzeko laborategia] Maia Ansa
- An English Country Dance; Musika eta mugimendua dantza historikoarekin uztartuz Arrate Zubigaray Orbea
- Dantza-jauziak Biharrian elkartea
- Dantzak sortu, gizartea eraiki Oihane Vicente Aguirrezabal
- GenEroa (Emanaldia - 2 dantzari) Kimua
- GenEroa (Ikuskizuna - 6 dantzari) Kimua
- Gelajauziak, tradizioa eta arte garaikidearen topaleku Kukai kultur elkartea
- Generoa eta sexu aniztasuna: Esnatu naiz kabareta Elur Etxea
- Hitaz Orhoit dantza proiektua Kresala dantza taldea
- La pulga. Flamenkoa dantza tailerra Askoa Etxebarrieta Lasheras, "La Pulga"
- Kresala Ikonografiak Kresala dantza taldea
- Sare sozialen eta ligatzeko aplikazioen eragina: Sex Sua musikala Elur Etxea
- Play proiektua InPut konpainia
- Dantza eta kirola Mikel Arístegui Tello
- Antzerki inmersiboa hezkuntzan Jessica Francisco Alonso
- Zirkuaren munduan murgiltzen Xomorro Kultura Taldea Elkartea
- Okerreko ibiltariak, aparteko ibiltariak Maite Aizpurua Olaizola
- HIK. Dantza sentitu Haatik dantza konpainia
Dokumentuaren akzioak
Erantzun
Kultura Eskola
Artea eta kultura-ondarea ezagutzeko nerabeei zuzendutako ekimenak jasotzeko eta zabaltzeko esparrua da Gipuzkoako Foru Aldundiaren Kultura Sailak sustatutako Kultura Eskola programa. Programaren helburu nagusia da kultura eta arte jarduera 12 eta 16 urte bitarteko gazteek garatzen dituzten zaletasunen eta interesen parte izatea, sentsibilitatea eta irizpide artistikoa sortzea eta begirada kritikoa garatzen laguntzea; helburu hori kultur eragileen, hezkuntza munduaren eta erakundeen arteko lankidetzari esker lortu ahal izango da.
Bide batez, enplegu aukerak sortzen lagundu nahi da oso prekarizatuta dagoen eta orain, inoiz baino gehiago, egoera ekonomiko bereziki zaila bizi duen sektore sortzaile eta kultural batean. Baita irakurketa aretoak, erakusketa aretoak, zinema eta antzerki aretoak hartuko dituzten publiko berriak eta ondare historiko-artistikoaren gaineko ardura izango duten herritarrak sortzea ere, bokazio berriak piztea baztertu gabe.
Katalogorako dantza proposamenak
Kultura Eskolaren proposamenekin katalogoa osatzen ari da eta dantza jardueren proposamen berriak 2023ko martxoaren 31ra arte bidali ahal izango dira helbide elektroniko honetara: kulturaeskola@gipuzkoa.eus
Interesatuek, edozein argibide behar izanez gero, helbide honetara jo dezakete:
- Kultura Eskola: kulturaeskola@gipuzkoa.eus
- K-Bulegoa: kbulegoa@gipuzkoa.eus 943 113 343
