Dokumentuaren akzioak
Artzain-inudeen lehenengo irteerako eta berreskurapeneko urteurrenak ospatu dituzte Beran
Kuarrenta
Artzain-inudeak, Bera, 1929. Argazkia: Beragureherria / Mª Ascen Astondoak utzitakoa
Aurtengo inauterietan urteurren borobilak ospatu dituztela Berako artzain-inudeek gogorarazi digu Jon Abrilek Twitterren. Orain dela 90 urte atera ziren lehen aldiz kalera Beran artzainak eta inudeak; frankismo garaiko etenaldiaren ondoren, duela 40 urte berreskuratu zuten berriro konpartsa.
Donostiako inauterietatik ideia hartuta Sarriegiren doinuak dantzatuz 1929an irten ziren kalera lehenengo aldiz Beran inudeak eta artzainak. Orduan gizonek bakarrik parte hartu zuten festan.
Urte batzuetan ohitura galduta egon ondoren, 1979an Gure Txokoa dantza taldeko kideek 50 urte lehenago herrian hasitako ohiturari jarraipena ematea erabaki zuten. Gizonak zein emakumeak irten ziren jaira, genero rolak aldatuta, gizonak inudez eta emakumeak artzainez jantzita.
Ordutik, inauteri igandean hutsik egin gabe irteten da Beran artzain-inudeen konpartsa. Sendo eutsi diote Berako gazteek orain dela 90 urte hasi eta 40 urte berreskuratu zen ohiturari. Aurten 70 bikote atera dira kalera dantzara. Lehenengo aldi hartan egin zen moduan, bi idik tira dute Momo erregearen gurdia.
Argazki gehiago: Berako Inude eta artzainen argazki bilduma
Dokumentuaren akzioak
Erantzun
Kuarrenta
Faja-dantzi eta beste kuarrenta kontu dantzaren inguruan.
Jasotako azken erantzunak
- Dantzan on Dantzariak Berrizen eta Seguran Manuel Lekuonan argazki sorta batean
- Dantzan on Ongi pilotan eta oneski dantzatzen
- Mikel Sarriegi on Ongi pilotan eta oneski dantzatzen
- Dantzan on Dantzariak Berrizen eta Seguran Manuel Lekuonan argazki sorta batean
- Dantzan on Dantzariak Berrizen eta Seguran Manuel Lekuonan argazki sorta batean
- Mikel Sarriegi on Dantzariak Berrizen eta Seguran Manuel Lekuonan argazki sorta batean
- Dantzan on Marka batek zure herriko inauterietako mozorroa plagiatzen duenean
- Dantzan on Donibane Lohizune 1939, duintasunaren aurreskua
- Leire Narbaiza on Donibane Lohizune 1939, duintasunaren aurreskua
- Patxi Montero on Ezkonberriak dantzan 2019/01/23
