Valladoliden izango gara datorren asteburuan

2015/09/24 11:05

Valladoliden izango gara datorren asteburuan

Arrateko dantzak Ermuan. Argazkia: Iñaki Zugasti

Asteburu honetan, irailaren 26 eta 27 bitartean, Valladoliden izango gara Kezka Dantza Taldeko dantzariak. Bertako Gure Txoko euskal etxeak gonbidatuta Arrateko dantzak Gaztela-Leongo hirian aurkeztuko ditugu. Valladolideko euskal etxeak antolatzen zuen euskal jaiaren ospakizunetan elkarteko kide eta koroarekin batera parte hartuko dugu. Ezpata-dantza eta trokeo-dantzak egiten 25 lagun izango gara 4 txistularik lagunduta.

Ermua: arrateko brokel-dantza — Argazkia: Iñaki Zugasti. Dantzan, CC BY-SA

Larunbatean bertan ekingo diogu dantzari, arratsaldean Arrateko dantzak jendaurrean eskainiaz. Igandean aldiz, Valladolideko kaleetan barrena ibiliko gara Gure Txoko elkarteko kideekin batera han eta hemen dantzan. Soka-dantza, fandango eta arin-arinak, Arrateko brokel-dantzak eta beste zenbait dantza eskainiko ditugu hiriko erdigunean zehar.

Valladolideko Gure txoko euskal etxea 1983an sortu zen eta Euskal Herriarekiko lotura mantendu du denboran zehar. Urtero euskal etxeko koroak han eta hemen abesten du eta dantzariak ere maiz gonbidatzen dituzte ospakizunetan parte hartzera. Azken urteetan Elgoibarko Haritz Dantzari Taldeak parte hartu izan du hauetan eta aurtengoan Kezkako dantzarioi pasa digute lekukoa.

Dokumentuaren akzioak

Bidali hitzordua

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Sartu

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.

Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com

Tresna pertsonalak

Valladoliden izango gara datorren asteburuan

Erantzun

Kezka dantza taldea

Jasotako azken erantzunak