Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Soka-dantza Santa Kurutzen 2014

Dokumentuaren akzioak

Soka-dantza Santa Kurutzen 2014

Soka-dantza Santa Kurutzen 2014

Santa Kurutz 2014. Argazkia: Iñaki Zugasti.

Mandiola eta Gorosta aldeko baserritar gazteek Santa Kurutzeko jaien ardura bere gain hartzeaz gain biziberritu egin dituzte azkeon urteotan. Giro ederra izaten da Eibarko ermita politenaren bueltan eta igandean han dantzatzen da soka-dantza, baserritarrak eurak sokan direla, aurresku, atzesku eta zerbitzari lanetan Kezkako dantzariak, eta musikari Usartza txistulari taldekoak aritzen direla.

Pasa berri den asteburuan ospatu dira Santa Kurutz jaiak eta Santa Kurutz ermitan inguruan jolasak, musika, herri-kirolak eta dantzak ospatu dituzte. Maiatzaren 4an, igandean, soka-dantza zegoen iragarrita eta halaxe dantzatu zuten. Kezka dantza taldetik Eider Agirrebeña eta Maider Otaola aritu ziren aurresku eta atzesku lanetan, eta Amaia Rodriguez eta Ane Sarasketa (hau auzoko baserritar eta dantzari paper bikoitzean) zerbitzari lanetan, Usartza txistulari taldeko Enrike Montero, Ainhoa Urkizu, Asier Kastelos eta Iñaki Orbegozo arduratu ziren musikaz, eta sokan Mandiola eta Gorosta bailaretako baserritarrak.

Dantzarako giro eguzkitsu eta gozoan dantzatu zuten soka-dantza, desafio, zortziko, kontrapas, errenberentzia, aita sanmigel, fandango, arin-arina eta kalejirak tarteko. Iñaki Zugastiren argazki kamerak ekarri dizkigu Santa Kurutzeko soka-dantzaren erretratuak. Horra ba:

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com