Dokumentuaren akzioak
Soka-dantza Santa Kurutzen 2012
Kezka dantza taldea
Usartzako txistulariak (Jose Migel Laskurain, Enrike Montero, Asier Castelos eta Iñaki Orbegozo) musikaren ardurapean eta Kezkako dantzariak (Irati Kortabitarte, Ainhoa Larrañaga, Esther Kareaga eta Oihane Llorente) dantza gidatuz, burutu zen pasa den maiatzaren 6ean soka-dantza Santa Kurutz auzoan. Sokan Mandiola eta Gorostako baserritarrak, eta Santa Kurutzeko jaietara hurbildutako zenbait kaletar. 
Aurrekontuen murrizketen ondorioz Udaleko diru-laguntzak ia-hutsean geratu zaizkio Santa Kurutzekofesta batzordeari. Hala ere, lan handia eginda eta betiko crowfunding-arekin (aurten gazta baten pisua asmatzeko zozketa polita antolatu dute) aurrera atera dituzte aurten ere.
Beste askok bezala, bere ekarpena (dantza emanaldia) dohain egin du Kezkak. Gogorazi behar da, diru-laguntzak murrizterakoan, diru-iturri zuzenak eta ez-zuzenak ere eteten direla kulturarako. Diru-laguntza gutxiago eta lehen kobratzen ziren emanaldiak ezin kobratu.
Iñaki Zugastik egindako argazki sorta zabalagoa hemen:
Dokumentuaren akzioak
Erantzun
Kezka dantza taldea
Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.
Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.
2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.
Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.
1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.
Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com
Jasotako azken erantzunak
- Dantzan on Dantzaren Nazioarteko Eguna 2022 Eibarren: gogoeta, kronika eta bideoa
- Xabier Etxabe on Dantzaren Nazioarteko Eguna 2022 Eibarren: gogoeta, kronika eta bideoa
- Kezka dantza taldea on Eibarko Dantzari Eguna 2021 online
- Yolanda Urzelai on Eibarko Dantzari Eguna 2021 online
- Kezka dantza taldea on Eibarko Dantzari Eguna 2021 online
- Yolanda Urzelai on Eibarko Dantzari Eguna 2021 online
- Kezka on Bi sarrera zozketan larunbatean Martin Zalakain ikusteko 2017/12/13
- Juana Goikoetxea on Bi sarrera zozketan larunbatean Martin Zalakain ikusteko 2017/12/13
- oier on Aurresku bat Usartzan 1932an 2017/01/19
- Patxi Montero on Aurresku bat Usartzan 1932an 2017/01/19
