Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Soka-dantza Santa Kurutzen 2006

Dokumentuaren akzioak

Soka-dantza Santa Kurutzen 2006

Santa Kurutzetan ohi dugunez soka-dantza egin genuen Arrate ondoan dagoen Santa Kurutz ermitan. Maiatzaren 7an, Santa Kurutz egunaren (maiatzaren 3) ondoko lehen igandean egin ohi dugu soka-dantza bertan. Mimoz prestatzen dituzte Arrateballeko baserritarrek Santa Kurutzeko jaiak eta ederrak izaten dira.

2006-05-07_Santa-Kurutz-040

Dantzarako soka auzotarrek osatzen dute, eta Kezkakoen ardura izaten da aurresku, atzesku eta zerbitzari lanak egitea. Azken urteotako ohiturari jarraituz Ibarbiatarrak izan ditugu aurten dantzaren gidari. Oier Ibarbia aurresku eta Aiert Ibarbia atzesku. Zerbitzari lanetan Enrike Izagirre eta Oier Araolaza. Txistulariak Usartza taldekoak: Jose MIguel Laskurain, Enrike Montero, Asier Castelos eta German Ereña.

Eibarko alkatea, Iñaki Arriola, auzoetako zinegotzia Nerea Alustiza, eta Mari Carmen Retenaga eta Aitor Alberdi zinegotziak ere bertan ziren, eta soka-dantzaren lehen eta azken itzulietan parte hartu zuten.

Eguraldi ederra, giro ezin-hobea eta dantza ondoko txorizo eta odolosteei estimu ederra egin zieten dantzari eta ez dantzariek.

Soka-dantzaren argazki sorta eder bat hemen.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com