Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Soka-dantza eta hamaiketako bitxi bat Azitainen

Dokumentuaren akzioak

Soka-dantza eta hamaiketako bitxi bat Azitainen

San Anton jaiak Azitainen, eta ohi bezala, igandean, mezaren ondoren soka-dantza egin genuen urtarrilaren 18an. Meza berezia ospatzen du Felix Bergara apaizak eta han ibiltzen ditu umeak joan etorrian nekazal produktuak ekartzen eta eramaten. Josu Garatek ezpata-dantza egin zuen Andoni Altzibar eta Iñaki Baruak primeran jotako doinura.
2009-01-18_Azitain-SanAnton-soka-dantza-IZ_7298_r
Meza ostean soka prestatu zen eliz-atarian. Oier Araolaza aurresku, Josu Garate atzesku, eta Oier Ibarbia eta Unai Agirre zerbitzari lanetan. Inguruan zeuden gizona, Miguel de los Toyos alkatea bera tarteko, sartu ziren sokan eta ohi bezala bideratu zen soka-dantza. Santa Kurutzen ohikoa izaten da desafioan txapeletako bat elizaren teilatu gainera joatea, eta Azitainen ere horixe gertatu zen oraingoan.

Dantza saioa bukatuta hamaiketakoa izan ohi dugu, eta aurten toki berezi batean gainera. Azitaingo elizaren koruan prestatu ziguten auzotarren jaki goxoz beteta mahaikada. Bizarrik gabeko kristoa(munduan horrelako 3 bakarrik daudela esaten zen garai batean)aurrean erretratatu gintuen Iñakik.
2009-01-18_Azitain-SanAnton-soka-dantza-IZ_7268 2009-01-18_Azitain-SanAnton-soka-dantza-IZ_7402 2009-01-18_Azitain-SanAnton-soka-dantza-IZ_7364 2009-01-18_Azitain-SanAnton-soka-dantza-IZ_7437 2009-01-18_Azitain-SanAnton-soka-dantza-IZ_7490

Dokumentuaren akzioak

aritz
2009/01/23 17:37
Gogor hasi duzue urtea, alajaina!
malen
2009/01/23 18:17
Azkenengo argazkixa pixkat tetrikua, ez?
Gero esaten dabe dantzakuok sekta bat garala, danian gaozela...


oier
2009/01/24 09:20
Bai Aritz, 2008a nolakoa izan den ikusita 2009rako deskantso piskat espero genuen, baina hasiera behintzat animatuta dator...

Malen, guri ez zitzaigun tetrikua iruditu, majikoa baizik. Benetan hamaiketako bat egin dugun tokirik bitxiena izan da, demaseko barreak egin genituen! Portzierto, Iñaki artista bat da argazkiak ateratzen ze ez zen batere erraza guri erretratoa egin eta barrenean zegoen kristoa hain ondo ateratzea!

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com