Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Saria bete dantza Coliseoan

Dokumentuaren akzioak

Saria bete dantza Coliseoan

Kezka dantza taldea Kezka dantza taldea
2008/10/28 11:52
Aipatu genuen apirilean, aurten Eibarko Klub Deportiboko dantza taldea, gerora Kezka izena jaso zuena, sortu zenetik 50 urte betetzen zirela. Urte bete-betea izaten ari gara (Inauterietan koko-dantzak, Axeri-boda ikuskizuna, York-en Sword Spectacular jaialdia, Utahkoen bisita,... ) eta propio urteurrenari begira ekitaldi gutxi antolatu ditugu. Apirilaren 13an Arraten ospatu genuen 50. urteurrena eta orain, azaroaren 15ean, Kezkarekin elkarlanean dabiltzan zenbait talde lagun gonbidatu ditugu elkarrekin jaialdi bat egiteko Coliseo antzokian.
saria bete dantza kartela
“Koko-moko, sária bete moko” kantatu genuen aratusteetan, koko-dantzetan, eta orain “Saria bete dantza” izeneko emanaldia antolatu dugu. “Sária” otarra da Eibarren, eta “Coliseoa bete dantza” egin nahi dugu datorren azaroaren 15ean.

Kezka & friends

Azken urteotan lagun izan dituen taldeetako batzuk gonbidatu ditugu gurekin batera dantzatu eta urteurrena ospatzera. Donostiako Argia, Galdakaoko Andra Mari, Iruñeko Duguna, Añorgako Arkaitz eta Elgoibarko Haritz taldeek emanaldi berezia eskainiko dute Kezka dantza taldearekin batera

Azken urteotako Kezka dantza taldearen dantza ibilbidean funtsezkoak izan diren eta gure laguntzat ditugun dantzari eta dantza taldeak gonbidatu ditugu jaialdirako. Denek eman dute baiezkoa eta poz handia dugu, gure jardueran erreferente izan diren eta diren taldeak dantzatuko baitira gurekin batera Coliseoan.

Saria bete dantza
Argia, Andra Mari, Duguna, Arkaitz, Haritz eta Kezka dantza taldeak
Eibar, Coliseo antzokia
2008ko azaroaren 15ean, 19.30etan

Dokumentuaren akzioak

aritz
2008/10/28 14:08
Luxua izanen da dantza talde eta dantzari horiekin guztiekin dantzan aritzea! Mila esker gonbiteagatik!
Arkaitz
2008/10/29 21:47


  Sarrera librea ? Horrela ez bada, zenbat ? Handia da Koliseoa? Zenbat pertsonentzako? Ezkerraldetik batzuk joan nahi dugu, eta da bidaia en balde ez egiteko.

  AH !! Zorionak KEZKA !! jejej XD
oier
2008/10/30 15:28
Kaixo Arkaitz!

Sarrerak 5 euro balio ditu, Coliseoan 500 lagun sartzen dira eta sarrerak astelehenetik aurrera erosi daitezke Generaltikcets-en.
Eskerrikasko!
Arkaitz
2008/10/31 17:34


   Ok !!!  Mila esker Oier, astelehenean bertan erosiko ditugu sarrerak. 3 fijo joango gara. Vega txo !!!
Gari
2008/11/17 19:47
Arratsalde-gau ederra pasa genuen. Dena bikain zegoen antolatuta eta gozatu genuen, bai dantzan, baita dantzak ikusten ere. Eskerrik asko!

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com