Santiago egunean soka-dantza Goimendin

2008/07/23 12:22

Uztailak 25, Santiago eguna dator ostiralean, eta urtean egiten ditugun emanaldien artean politenetakoa ere bai: Goimendiko soka-dantza. Bergara, Elgeta eta Eibar artean dagoen baserri auzo bat da Goimendi, berez, Elgetako Udalaren ardurapekoa, irteera naturala Plaentxi-Bergarara duena, baina Eibarrekin lotura handikoa.

Goimendi da auzoa, eta bertan Azurtza baserriaren ondoan dagoen Santiago ermitaren inguruan egiten dira jaiak (eskerrikasko Josu-ri argibideengatik).

Santiagotan ospatzen dira jaiak Goimendin, eta trikitixa, bertsolariak, herri-kirolak eta dantza izan ohi dira eduki nagusiak. Meza ondoren egin ohi dugu soka-dantza, aurreskua, atzeskua eta zerbitzariak taldekoak, eta soka osatzen auzotarrak. Urteren batean bertsolari famatu bat ere engainatu genuen sokara sartzeko eta gero komeriak fandangoa iristi zenean...

Aurtengo jaietako kartelean argazki bitxia atera dute.

Aintzane Agirrebeñak azaldu digunez Azurtzan bertan, Santixauetan ateratako erretratua da. Mahai gainean anplifikadorea jarrita dabil gizon kodrila probatan. Soinua jotzen diharduena Eugenio Ubera "Bergetxe" da, baina berez, bere aldamenekoa zen jaietara soinujole joandakoa, Zendoia. Eta honen ondoan Landakanda panderojolea. Goian Emilio Azurmendi, eta honen ondoan Aintzanen aita, Inazio Agirrebeña izan daitekeena.

Dokumentuaren akzioak

Bidali hitzordua

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Sartu

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.

Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com

Tresna pertsonalak

Santiago egunean soka-dantza Goimendin

Erantzun

Kezka dantza taldea

Jasotako azken erantzunak