Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › San Antonetako soka-dantza

Dokumentuaren akzioak

San Antonetako soka-dantza

Kezka dantza taldea Kezka dantza taldea
2008/01/23 14:27
Aurten San Anton eguna urtarrilaren 17an tokatu da eta hurrengo igandean, hilaren 20an, ospatu ziren Eibarko Azitain auzoan San Anton jaietako ekitaldi gehienak, soka-dantza barne. Urtero bezala Kezka dantza taldeko dantzariok auzotarrekin batera atera eta dantzatu dugu San Antonetako soka-dantza.

Eguneko lehen ekitaldia 11:00etako meza nagusiarekin batera hasi zen. Bertan, nekazal produktuen eta animalien bedeinkatzearekin batera Jaunaren aurreko ezpata-dantza dantzatu zuen Oier Ibarbiak. Meza bukatu ostean hasi zen soka-dantza. Soka auzotarrek osatu zuten eta aurreskulari eta atzeskulari lanetan Oier Ibarbia eta Oier Araolaza aritu ziren. Zerbitzariak berriz Luken Aranburu eta Joseba Aranzabal izan ziren.2008-01-20_SanAntonAzitain_AU 116

Eguraldia lagun izan genuen, hotz baina eguzkitsu, eta gainera auzotarrek eskainitako salda bero beroarekin prestatu genuen gorputza dantzarako. Eguna borobiltzeko, zer esanik ez aurten ere ez garela esku hutsik itzuli etxera, eta ez koko-eskean ibili ginelako, ez baigenuen horren beharrik izan berriz ere otarra etxera eramateko.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com