Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Plazara Dantzara, goiz eta arratsaldez San Andres egunean

Dokumentuaren akzioak

Plazara Dantzara, goiz eta arratsaldez San Andres egunean

Kezka dantza taldea Kezka dantza taldea
2022/11/08 16:55
Plazara Dantzara, goiz eta arratsaldez San Andres egunean

Miren eta Roberto Etxebarriarekin izango da erromeria San Andres egunaren arratsaldean.

San Andresetako Plazara Dantzarak hiru hamarkadako ibilbidea du eta azken aldian dantzaldi gidatuen egutegia urte osora zabaltzeko ahaleginetan ari gara. Urrian Errebalen egin dugu ikasturteko lehen dantzaldia eta azaroan, San Andres egunean ekinaldi bikoitza izango dugu. Goizean, 12:30ean, ohi bezala Jainaga eta Narbaizarekin Untzaga plazan arituko gara. Arratsaldean, 18:00etan, Untzagan berriz ere, Miren eta Roberto Etxebarriarekin arituko gara dantzan.

Plazara Dantzara eguerdian

  • Musikariak: Jainaga eta Narbaiza
  • Ordua: 12:30
  • Tokia: Untzaga plaza
  • Antolatzaileak: Kezka dantza-taldea eta Eibarko Udala - Kultura Saila

 

Plazara Dantzara arratsaldean

  • Musikariak: Miren eta Roberto Etxebarria.
  • Ordua: 18:00
  • Tokia: Untzaga plaza
  • Antolatzaileak: Kezka dantza-taldea eta Eibarko Udala - Kultura Saila

 

Buruko zapia, gerrikoa, abarketak janzten ikasteko tallerra

San Andresetara begira girotzen joateko, baserritar janzteko buruko zapi, gerriko eta abarketak janzten ikasteko tallerra egingo da azaroaren 18an, 18:00etan Portalea Kultur Etxeko dantza-gelan (3. solairuan).Antolakuntza hobetzeko bertaratuko zaretenon zerrenda osatuko dugu. Azaroaren 15 arte daukazue izena emateko aukera. Izena emateko idatzi zenbaki honetara: 605 711 429

Buruzko zapia tallerra 2022

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com