Baal Dansa: MiraMiró [Dantza Coliseoan]

2020/10/05 10:40

Joan Miró, Peinture (La magie des coleurs), 1930

2020ko urriak 10, larunbata, 17:00etan
     Eibar, Coliseo Antzokia
     Iraupena 45'
     Sarrera: 5€

MiraMiró txikienentzako dantza eta bideo animazio ikuskizuna da, Joan Miróren unibertsoan oinarritua. Obra margolariaren lan grafikoaren aukeraketa batean oinarritzen da. Bere kolore biziek, forma geometrikoek eta "irudi eta pertsonaien" itxurazko "totipotentziak" fantasia pizten dute, dena posible dela agerian utziz. Modu magikoan pinturek bizia hartzen dute eta irudimenezko unibertso batera eramaten gaituzte. Kosmoserako bidaiaren abentura, aurkikuntzaz eta sorpresaz betea.

Baal Dansa talde mallorcarraren lan hau 2018an estreinatu zen eta 2019an Arte Eszenikoen Balear Sarietan Ikuskizun Onenaren Sari Berezia irabazi zuen ikuskizun honek.

Baal Dansa: MiraMiró

Zuzendaria: Catalina Carrasco
Zuzendaritza teknikoa: Gaspar Morey
Dantzariak: Catalina Carrasco, Gaspar Morey, Aina Pascual
Argiztapenaren diseinua: Manu Martínez
Bideo animazioa: Adri Bonsai
Dramaturgia laguntzailea: Pau Bachero
Jatorrizko soinu banda: Kiko Barrenengoa
Jantziak: MulberrySpiral
Txontxongiloaren diseinua eta laguntza: Leo Alburquerque
Ahotsean laguntza: Aina Compte

2020ko urriak 10, larunbata, 17:00etan
     Eibar, Coliseo Antzokia
     Iraupena 45'
     Sarrera: 5€

Dokumentuaren akzioak

Bidali hitzordua

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Sartu

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.

Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com

Tresna pertsonalak

Baal Dansa: MiraMiró [Dantza Coliseoan]

Baal Dansa: MiraMiró

Erantzun

Kezka dantza taldea

Jasotako azken erantzunak