Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Martin Zalakain hurrengo emanaldiak: Gernika eta Eibar

Dokumentuaren akzioak

Martin Zalakain hurrengo emanaldiak: Gernika eta Eibar

Martin Zalakain hurrengo emanaldiak: Gernika eta Eibar

Martin Zalakain. Argazkia: Iñaki Zugasti - dantzan.eus CC BY-SA

Larunbat honetan (Apir. 21, 20:00) Gernikan, Jai Alain (sarrerak erosteko hemen) izango gara Martin Zalakain-ekin. Hurrengo emanaldiak Eibarren izango dira, maiatzaren 19an. Eibarko emanaldirako 19:00etarako sarrerak agortuta, bigarren paseko (22:00etan) sarrerak ere erritmo onean saltzen ari dira, beraz, mugitu sarrerarik gabe geratu nahi ez baduzu.

Argiaren Martin Zalakain ikuskizuneko kartela. Egilea: Tomas HernandezMartin Zalakain, Juan A. Urbeltz-en sorkuntza da, Ander Lipus-en dramaturgia eta Harkaitz Cano-ren gidoia dituena. Argia dantzari taldea eta Artedramak ekoiztua, Mikel Urbeltz eta Marian Arregiren musika zuzendaritzarekin 100 artistaren lanaren bidez Pio Barojaren Martin Zalakain abenturazalea eleberria dantza ikuskizun bihurtu duena dantza, musika, antzerkia, kantua eta literatura uztartuz.

Ohikoa duen moduan, Euskal Herri osoko dantzariak eta musikariak bildu ditu Argiak ikuskizun honetan: Argia (Donostia), Duguna (Iruñea), Maritzuli (Biarritz), Elai-Alai (Portugalete), Arkaitz (Añorga), Astigar (Astigarraga) Kezka (Eibar), Haritz (Elgoibar) eta Gure-kai (Deba) taldeetako dantzariak, eta besteak beste Argia, Duguna, Ezpelur eta Plectro taldeetako musikariak hain zuzen ere. 
Martin Zalakain 2017 Santa Kruz-en kuadrilla eta On Pio IZ
Martin Zalakain, Arriaga antzokia, 2017-11-11. Argazkia: Iñaki Zugasti - dantzan.eus CC by-sa

Martin Zalakain, Eibarren, Coliseo Antzokian
Maiatzak 19, larunbata, 19:00etan eta 22:00etan. 
Sarrerak erosteko: Txarteldegian bertan edo Kutxabank-en.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com