Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Martin Zalakain, Baionan asteburu honetan

Dokumentuaren akzioak

Martin Zalakain, Baionan asteburu honetan

Kezka dantza taldea Kezka dantza taldea
2018/02/15 13:35
Martin Zalakain, Baionan asteburu honetan

Martin Zalakain dantza ikuskizuna. Argazkia: Iñaki Zugasti - dantzan.eus CC by-sa

Bilbon, Donostian eta Iruñean izan ondoren, asteburu honetan Baionan eskainiko dugu Martin Zalakain ikuskizuna, Artedrama eta Argiarekin, eta Juan Antonio Urbeltzen zuzendaritzapean, Ander Lipusen aktore lan eta taula zuzendaritzarekin eta Harkaitz Canoren gidoiarekin.

Arriagan estreinaldian antzokia bete zen, Victoria Eugenian bi emanaldiak bete ziren, eta Baluarten 1200 ikusle izan genituen, eta Baionako bi emanaldietarako sarrera gutxi geratzen dira, beraz, harrera beroa izaten ari da emanaldia euskal hiriburuetako antzoki nagusietan.

Martin Zalakain IZ 0774
Martin Zalakain dantza ikuskizuna. Mikel Tristan, Jon Iruretagoiena, Amaia Irigoien, Aritz Ibañez, Gari Otamendi. Argazkia: Iñaki Zugasti - dantzan.eus CC by-sa

Musikari, aktore, teknikari eta dantzari artean 100  inguruko taldeak gorpuzten du Martin Zalakain ikuskizuna, eta Argia, Duguna, Haritz, Elai Alai, Maritzuli, Astigar, Arkaitz eta Gure-Kai taldeetako dantzariekin batera Kezkako 17 dantzarik parte hartzen dugu bertan. 

Otsailak 17, larunbata, 20:30ean, eta otsailak 18, igandea, 17:00etan eskainiko dugu Martin Zalakain Baionako Scene National antzokian. 

Argiaren Martin Zalakain ikuskizuneko kartela. Egilea: Tomas Hernandez

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com