Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Maitane joan zaigu

Dokumentuaren akzioak

Maitane joan zaigu

Kezka dantza taldea Kezka dantza taldea
2007/01/31 13:11
Sinistu ezinda gaude oraindik. Gaur goizean hil da Maitane Castillo Otaola. 18 urte zituen.

Maitane Castillo Urteterdi eman ditu minbiziarekin borrokan. Ez zegoen amore emateko prest, eta ahal izan zuen beste eutsi zien dantzari eta musikari.  Ebakuntza batetik irten berritan dantzatu zuen Arrateko ezpata-dantzaren estreinaldian, eta bere gidaritzapean, buruzagi makila tinko helduta, gurutzatu genuen Arrateko zelaian.

Dantzan egin dituen urte guzti hauetan bere bizipozarekin gozatu ahal izan dugu. Gauzak oker jarrita ere beti zuen irriparrea ezpainetan.

Hiletak, bihar, otsailak 1, 19.00etan, Eibarko San Andres parrokian egingo dira.

Eskerrikasko Maitane eman diguzun guztiagatik!

Dokumentuaren akzioak

aritz
2007/01/31 14:13
Benetan sentitzen dut!

Animoak Kezka-ko guztioi, Duguna-koen partez!

gari
2007/01/31 23:45

Añorgako Dantzarien izenean, doluminak Kezkakoei eta Maitaneren familiari.

Besarkada bat

malen
2007/02/01 00:50
kuadrilla osuan izenian, mila esker azaldu dozuen jarrera ezinhobiagaitxik, holako momentuak eta ez dia errazak izaten.
egongo gara.
Maitane Algarra
2007/02/01 16:23

Duguna dantza taldeko dantzaria naiz, eta bene-benetan doluminak eman nahi diet kezkako dantzari guztiei eta Maitaneren Familia osoari. Animo guztie. Besarkada handi handi bat, batez ere Ane Sarasketa eta Enrikeri.

 

Josu
2007/02/01 18:50
Bermeotik ere gure doluminak talde osoari eta bereziki bere famili eta lagunei. Guk ere holako gertaera bat bizi izan genuen orain urte batzuk eta benetan oso gogorra da. Dena den aurrera jarraitu behar da. Zuen Maitane eta gure Benarte, dauden lekuan egonda ere, ziur dantza talde bat antolatzen ibiliko direla.
Leire Leza
2007/02/01 20:10

Animo Kezka dantza talde osoari eta baita Maitaneren familia guztiari!!

Duguna dantza taldeko dantzaria naiz. Doluminak bidaltzen dizkizuet Iruñetik, benetan gogorrak izaten dira horrelako momentuak ere. Besarkada handi bat guztioi eta ANIMO!!!!

Muxu hanbi bat eta basarkada bat!!!

iratxe
2007/02/02 10:40
Ermuako Txindurri txistu eta dantza taldearen izenean, doluminak kezka dantza taldeari eta Maitaneren familia eta lagunei. Horrelakoetan aurrera jarraitzea besterik ez da geratzen; horregatik, eta bereziki noizbait zuen berotasuna sentitu dugunon izenean, besarkada bat eta animo.
kezka
2007/02/02 12:01
Eskerrikasko guztioi. Taldeko batek (Anek) herriko aldizkarari (etakitto-ra) Kezkaren izenean bidaltzeko lerroak jartzen ditugu hemen.

Txiki-txiki bat.

 Badira lagunak bere izate hutsarekin bete-bete egiten gaituztenak; begirada eder batekin besteen eguna pozten dakitenak; irribarre alai batekin dena adierazteko gai direnak. Hala jartzen gintuen martxan Martxanek, dantza gelan sartzen zen bakoitzean. Hori zinen zu.

Gure bihotzak bahitu dituzu Maitane eta zurekin eraman. Baina guk ez zaitugu hain erraz joaten utziko. Eta zurekin  jarraituko dugu dantzan, elkarrekin. Agur txiki bat bakarrik. Txiki-txiki bat. Eta ohorerik handiena.

Kezka dantza taldeko lagunak.

Mikel
2007/02/02 18:11
Besarkada bero bat denoi Beasaindik eta Aurtzaka talde guztiaren partetik. Sentimentuan laguntzen zaituztegu.
Haritz EDT
2007/02/02 20:43
Elgoibartik ere doluminak bidaltzen dizkizuegu, Kezka dantza talde guztiari eta Maitaneren familia eta lagunei. Animo denoi eta besarkada handi handi bat.
Maider Otaola
2007/02/04 16:40

Mila esker danoi, nere ta familia guztian partez eman diguzuen laguntza ta berotasunangaitik. Zihur nao Maitane daon lekuan be eskerrak emoten egongo dala egin dozuenangaitik. Eskerrik asko danoi benetan, ta besarkada handi bat!

maider
2008/10/29 16:51

como t llams maider otaola?

mi fotolog maidertx0_95

logo pasate o sino

mi msn maider12ota@hotmail.com

aiox

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com