Dokumentuaren akzioak
Maiatzeko asteburu bete-betea...
Maiatza dantzan aspaldiko izen batura da urtero errepikatzen dena. Pasa den asteburuan ere entretenimendurik ez da falta izan. Larunbatean Musikaldia, Euskal Herriko Musika Eskolen jaia ospatzen zen Elgoibarren eta arratsaldean Olaizaga kiroldegian ospatzen zen emanaldian parte hartu zuen Haritz Euskal Dantzari Taldeak. Argazkian bertan klik eginda Elgoibarko emanaldiare argazki gehiago ikus ditzakezue.
Igandea, maiatzak 15, San Isidro eguna zen eta Aiert joan zen Arratera Debemen-ek antolatzen duen baserritarren ospakizunean parte hartzera. Arrateko Amabirjina prozesioan atera zuten, eta ohi bezala dantzari eta txistulariak izan zituen lagun. Ezpata-dantza eta agurra dantzatu zituen Aiert-ek Usartza txistulari taldeak lagunduta. Jose Miguel Laskurainena da argazkia.
Igande goizean bertan Urkizun izan zen Ane eta Aiert-ekin ikasten duen Kezkako N-91 taldea.
Agurra, uztai handi, zinta-dantza eta fandango eta arin-arina egin zituzten. Musikaz Kezkako txistulariak eta Ander Agirrebeña trikitilaria arduratu ziren.
Eiderren argazkiak klik egiten baduzue emanaldi horretako argazki gehiago ikusteko aukera izango duzue.
Azkenik, igande arratsaldean, Gaizka Barandiarani Donostian egin zitzaion omenaldian dantza egitera pare bat ordezkari bidali genituen. Agurra, Boastitzea eta Belauntxingoa egin behar omen zituzten Arkaitz Añorgako dantzariekin. Eta hara nora atzoko Berrian argazki handi batean ageri diren biak, Irati eta Ane, Goikiria eta Lohitzunekin sokan kalejiran dabiltzala.
Hori dena asteburu bakarrean. Eta maiatza erdian gaude oraindik...
Dokumentuaren akzioak
Erantzun
Kezka dantza taldea
Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.
Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.
2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.
Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.
1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.
Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com
Jasotako azken erantzunak
- Dantzan on Dantzaren Nazioarteko Eguna 2022 Eibarren: gogoeta, kronika eta bideoa
- Xabier Etxabe on Dantzaren Nazioarteko Eguna 2022 Eibarren: gogoeta, kronika eta bideoa
- Kezka dantza taldea on Eibarko Dantzari Eguna 2021 online
- Yolanda Urzelai on Eibarko Dantzari Eguna 2021 online
- Kezka dantza taldea on Eibarko Dantzari Eguna 2021 online
- Yolanda Urzelai on Eibarko Dantzari Eguna 2021 online
- Kezka on Bi sarrera zozketan larunbatean Martin Zalakain ikusteko 2017/12/13
- Juana Goikoetxea on Bi sarrera zozketan larunbatean Martin Zalakain ikusteko 2017/12/13
- oier on Aurresku bat Usartzan 1932an 2017/01/19
- Patxi Montero on Aurresku bat Usartzan 1932an 2017/01/19
Aupa neskak oso ondo dantzau gendun ta animo urrengo emanaldietarako, Ane ta Aiert onenak!!! Aupa gu!!
AUPA NESKAK, OSO ONDO IN GENUN DANTZA, HORRELA JARRAITU. ANE TA AIERT ONENAK !!!! AUPA GURE TALDEA !!!!
Jope, kriston taldia ikusten da argazkixetan. Tira, ensaiuetako izerdixak zeozetako be balio biharko zeben ba. Animo neskak, hurrenguak Euskal Jaia eta dantzari eguna.
Mutxo, mutxo! Ez dakau suerte makala Ane ta nik talde honekin. Iñun neska fiñik badao, gurian.
...gainera, uste dot lehenengo aldixa dala argazkixan danak presentable agertzen diana...bueno, han atzian ezkerrian agertzen dan tipo hori kenduta, el del pose metrosexual.
Ondo dantza in badou ane eta aierti esker izan da! Eske alako irakasliekin dantza txarto itxen dab enak tiene k ser PATOso