Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Koreako telebista bat Eibarko Euskal Jaian

Dokumentuaren akzioak

Koreako telebista bat Eibarko Euskal Jaian

Kezka dantza taldea Kezka dantza taldea
2025/07/15 13:15
Koreako telebista bat Eibarko Euskal Jaian

Aurtengo Euskal Jaian bisita bitxia izan dugu. Koreako telebista bateko kazetaria eta kamerak izan ziren Untzagan dantza ekitaldiaren irudiak hartzen eta elkarrizketak egiten. Zahartzaroaren gorputz gainbehera saihesteko jarduera fisikoak dituen onurez egin du erreportajea Koreako TVN telebistak eta helduentzat egoki diren aktibitateen artean euskal dantzari begiratu diote kazetari korearrek.

Eibarko Euskal Jaian Eibarko eta Añorgako dantzarien emanaldia grabatzen izan ziren. Dantza jaialdian parte hartu zuten adin guztietako dantzarien irudiak bildu eta elkarrizketak egin zituzten. Adin guztietako 200 dantzari aritu ziren euskal dantzen emanaldia eskaintzen Eibarko Untzaga Plazan maiatzaren 26an eta gorputz ariketa horren onurak nabarmendu zituzten Koreako erreportariek.

Euskal Jaia Eibar 2025 telebista korearra
Koreako telebistako kazetaria eta kamerak elkarrizketak grabatzen Eibarko Euskal Jaian, 2025-05-26.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com