Dokumentuaren akzioak
Igartzako ezpata-dantzarien distiran Joseba Juarez gogoan
Argazkia: Eire Vila. Dantzan CC BY- SA
2005ean Arrateko ezpata-dantzan izan genituen lehen bi gonbidatuetako bat Mikel Sarriegi izan zen (Iñaki Arregi bigarrena). Beasaingo Aurtzakako dantzariekin eta ondoren Igartzako ezpata-dantzariak izango zirenekin hasitako harreman horrek hamarkada bete du orain. Dantza, erritual koreografiakoak eta gure kultura ulertzeko moduan gertutasuna harrigarria deskubritu dugu urteotan.
2015eko irailean eskertuta eta miretsita parte hartu dugu Beasainen aurten antolatu duten Igartzako ezpata-dantza erraldoi, argiztatu eta Joseba Juarez-en omenezkoan. Ezpata-dantzari, kapitain, zaldiko, banderari, azkendari eta abarren artean 108 ezpata-dantzarik osatutako konpartsa erraldoia geneukan gure aurrean. Haien atzetik ginen Andoaingo, Elgoibarko eta Eibarko ezpata-dantzari ordezkariak, eta baita Joseba Juarez-ek bere dantza jardueretan ezagutu eta egindako hainbat dantza-lagun ere.
Ehun ezpata-dantzariak Igartzako ingurune historiko-monumental eraberrituan dantzan ikustea ikuskizun bikaina gertatu zen: argiztaketa erraldoia, musika, kantu, dantza eta Joseba Juarezi omenaldi hunkigarria, logistika eta koordinazio erakustaldi harrigarria. Zorionak eta mila esker dantza-festa zuekin konpartitzeko eskainitako aukeragatik.
Dokumentuaren akzioak
Erantzun
Kezka dantza taldea
Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.
Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.
2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.
Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.
1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.
Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com
Jasotako azken erantzunak
- Dantzan on Dantzaren Nazioarteko Eguna 2022 Eibarren: gogoeta, kronika eta bideoa
- Xabier Etxabe on Dantzaren Nazioarteko Eguna 2022 Eibarren: gogoeta, kronika eta bideoa
- Kezka dantza taldea on Eibarko Dantzari Eguna 2021 online
- Yolanda Urzelai on Eibarko Dantzari Eguna 2021 online
- Kezka dantza taldea on Eibarko Dantzari Eguna 2021 online
- Yolanda Urzelai on Eibarko Dantzari Eguna 2021 online
- Kezka on Bi sarrera zozketan larunbatean Martin Zalakain ikusteko 2017/12/13
- Juana Goikoetxea on Bi sarrera zozketan larunbatean Martin Zalakain ikusteko 2017/12/13
- oier on Aurresku bat Usartzan 1932an 2017/01/19
- Patxi Montero on Aurresku bat Usartzan 1932an 2017/01/19
Eskerrak zuei.