Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Hemen dira 2016ko Arrate eguna eta dantzak

Dokumentuaren akzioak

Hemen dira 2016ko Arrate eguna eta dantzak

Kezka dantza taldea Kezka dantza taldea
2016/09/06 10:40
Hemen dira 2016ko Arrate eguna eta dantzak

Arrate, 2015-09-08. Argazkia: Felipe Loyola - Kezka CC BY-SA

Ostegunean irailak 8, Arrateko dantzak berriz Arraten izango ditugu. Gaur, asteartea 6, entsaio nagusia izango dugu Arraten bertan. 

Gonbidatu nafarrak

Aurten Iruñeko Duguna dantza taldeko bi dantzari izango ditugu gonbidatu bereziak: Leire Leza eta Julen Fagoaga. 2009an talde bereko Aritz Ibañez izan genuen gonbidatu, eta bera ere gertu izango dute aurten. Horrez gain, iazko bi gonbidatuak, Aitor Sorazu eta Karmelo Angiozar berriz izango ditugu bakarlari lanetan. Izan ere, iazko Arrate egunean arazo fisikoak izan zituzten dantzan eta ezin izan zituzten prestatutako dantzak nahi bezala osatu, beraz, aurten berriz dantzatuko dituzte.

Ordutegia

Ohi bezala, irailaren 8an, goizeko 11:00etako mezan egingo dute lehen dantza saioa Arrateko Amaren Kofradiako ezpata-dantzariek. Ondoren, prozesioan parte hartu eta Ama Birjina elizara erretiratzen den unean dantzatuko dute bigarren aldiz Arrateko ezpata-dantza. Zelaira etorrita, 12:30etatik aurrera eskainiko dituzte ezpata-dantza osoa eta trokeo-dantzak.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com