Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Fernando Muniozgureni agurra

Dokumentuaren akzioak

Fernando Muniozgureni agurra

Kezka dantza taldea Kezka dantza taldea
2006/07/17 13:06
Fernandoren erritmora makina bat dantza egindakoak gara Kezkako batzuk. Euskara eta euskal kulturaren inguruan Eibarren izan dugun akuilurik zorrotzena eta sustatzailerik sutsuena izan da Fernando Muniozguren.

2005eko martxoan, ikusi gintuen azkenengoz dantzan Fernandok. 2006-07-15_FerMunioz-omenldi_AL_009 Pas de Basque ikuskizuna eskaini genuen Zizurkilen, eta emanaldi bukaeran pozik etorri zitzaigun zoriontzera. Ohikoa zuen irakurketa zorrotza egin zigun, gozatu zuela aitortu eta irriparrea ezpainetan hango eta hemengo dantzek pizten zizkioten irakurketa sinbolikoen berri eman zigun.

Bere agur ekitaldia alaia izan zedila eskatuta joan zitzaigun pasa den astean Fernando, eta eskaera horri erantzun nahirik behin baino gehiagotan goraipatu izan zizkigun Arratiako jotak hautatu genituen. Fernandoren lagun eta Eibarko eta Euskal Herriko euskaltzaleen bilera handia izan zen larunbatean, uztailaren 15ean, Txantxazelain ospatu zena Fernando Muniozgureni azken agurra emateko.

Fernandoren proiektu amaigabeen sarean behin baino gehiagotan eroritakoak aritu ziren dantzari eta musikari. Ane Sarasketa eta Enrike Izagirre dantzan, eta Adolfo Jainaga soinu txikiarekin, Inma Albizu panderoarekin eta Iñaki Barua kaja txinarekin.

Eskerrikasko Fernando!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com