Dokumentuaren akzioak
Ezpata-dantzak axerien ezteietan
Kezkako dantzariok emanaldi berezi horretan Arrateko ezpata-dantza aurkezteko aukera izan dugu Enrike Montero eta Iñaki Baruaren txistu eta danborraren doinura. Irrintzi dantza taldearen Zumarragako ezpata-dantza eta Axeri-boda etorri ziren ondotik. Erritmo geldoaren indarra eta tradizioak distiraz berritzeko gaitasuna erakutsi zuten Irrintzikoek, eta zalaparta, dantza erritmo eroa eta tradiziozko doinuen edertasuna ekarri zuten Argiak gidatutako dantzari eta musikariek. Klima berezia eta ikusleak bero.
- Ezpata-dantza eta ezteiak [argazkiak]
- Axeri boda, ikuskizun ahaztezina (Patxitrapero)
- Ezpatadantzariak (Patxitrapero)
- La ezpatadantza guipuzcoana (Anton Arbulu)
Dokumentuaren akzioak
Erantzun
Kezka dantza taldea
Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.
Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.
2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.
Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.
1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.
Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com
Jasotako azken erantzunak
- Dantzan on Dantzaren Nazioarteko Eguna 2022 Eibarren: gogoeta, kronika eta bideoa
- Xabier Etxabe on Dantzaren Nazioarteko Eguna 2022 Eibarren: gogoeta, kronika eta bideoa
- Kezka dantza taldea on Eibarko Dantzari Eguna 2021 online
- Yolanda Urzelai on Eibarko Dantzari Eguna 2021 online
- Kezka dantza taldea on Eibarko Dantzari Eguna 2021 online
- Yolanda Urzelai on Eibarko Dantzari Eguna 2021 online
- Kezka on Bi sarrera zozketan larunbatean Martin Zalakain ikusteko 2017/12/13
- Juana Goikoetxea on Bi sarrera zozketan larunbatean Martin Zalakain ikusteko 2017/12/13
- oier on Aurresku bat Usartzan 1932an 2017/01/19
- Patxi Montero on Aurresku bat Usartzan 1932an 2017/01/19
Iepa Kezka:
Argazki politak blogekoak.
Esan beharrik ez dago ohore izugarria izan zela hainbat urretxu-zumarragarrontzat emanaldi honetan parte hartzeko aukera izatea. Antioko giroan bertan ere nabari zen Musikaldiko hainbat zaletuz gain herriko dantzazale ugari ere bildu zela bertan.
Gotzon Aranburu herritarrak euskaltuben eskegi dituen bi bideotarako loturak dituzue hemen:
http://euskaltube.com/play.php?vid=2653
http://euskaltube.com/play.php?vid=2655
Eskerrik asko, beraz, bai Gotzoni eta baita Kezka eta Axeri Bodako partaide guztiei ere arratsalde-iluntze pasa zoragarria egiteko aukera eman zenigutelako.
Antton