Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Ertza konpainiaren Look ikuskizuna Eibarren

Dokumentuaren akzioak

Ertza konpainiaren Look ikuskizuna Eibarren

Kezka dantza taldea Kezka dantza taldea
2009/11/02 11:13
Asier Zabaletak zuzentzen duen Ertza konpainiak Look ikuskizuna aurkeztuko du datorren azaroaren 13an Eibarko Coliseo antzokian. Hiru dantzarik, Pilar Andres, Carla Fernandez eta Asier Zabaletak berak, gure gizartean itxurak duen garrantziaz gogoeta egingo dute, dantzaren bidez, eta etengabe pantaila berezi batean ikusiko diren bideo berezien bidez.

Irudiarekin dugun harreman aztertzen da Look-en, estereotipoak nola barneratzen ditugu eta gure irudia bera nola asimilatzen dugun. Umore handiz begirada zorrotza planteatzen digu Asier Zabaletak ikuskizun honetan. Irudiaren obsesio horrekin gure burua engainatzea lortzen dugula uste du sortzaileak, baina beste aurrean biluzik jarraitzen dugula ohartarazten digu.


2006. urtean estreinatu zuen Ertzak ikuskizun hau eta emaitza borobila azpimarratu du kritikak:
  • "Una obra aguda y audaz" Ana Remiro, DV, 2006-05-15"
  • "Fantástica obra, que da mucho qué pensar. Asier Zabaleta lució el mejor de sus ingenios en este alegato anti-fashion", Iratxe de Arantzibia, Donostilandia, 2006-06-14.

Ertza: Look

2009ko azaroak 13, 20:30

Eibar, Coliseo Antzokia

Sarrera: 8 €

http://www.generaltickets.com



Zuzendaritza: Asier Zabaleta.
Dantzariak: Pilar Andrés, Carla Fernández y Asier Zabaleta.
Bideo errealizazioa: Marian Gerrikabeitia.
Bideoa: Carlos Sarasola, Iker Urteaga.
Koreografia: Asier Zabaleta eta dantzariak.
Argiztaketa: Antoni Angel Alcaide.
Musika: Ernesto Maestro.
Iraupena: Ordu 1 eta 10 min.

Dokumentuaren akzioak

matx
2009/11/02 14:24

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com