Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Eibarko Txistulari Alardean dantzan

Dokumentuaren akzioak

Eibarko Txistulari Alardean dantzan

Usartza txistulari taldeak antolatzen duen Eibarko Txistulari Alardean parte hartu dugu uztailaren 1ean. Astelehena frontoian eta azaroan egin izan da azken urteotan alardea, baina frontoia itxita zegoenez azaroan ez zen egin, eta azkenean uztailaren lehen larunbatean egin da Untzaga plazan.

Handik eta hemendik etorritako txistulariekin batera, Eibarko Musika Eskolako zenbait musikarik, Sostoa abesbatzak, Ballet Eibarres-ek eta Kezka dantza taldeak parte hartu dugu Elena Perez eta Jose Miguel Laskurain txistulariek gidatutako emanaldian.

Gure aldetik bi lan izan ditugu. Zuriñe Torre eta Enrike Izagirre, eta Irati Kortabitarte eta Oier Araolazak osatutako bikoteek fandangoa, arin-arina eta habanera dantzatu dituzte. Fandangoa ondo xamar joan bada ere, arin-arina dantzarako mooooteeeeleeegiii zegoen eta nahikoa komeria izan dugu dantza behar bezala bukatzen.
2006-07-01_Txistulari Alardea
Ondoren Zuberoak maskaradetako zenbait dantza egin ditu boskote batek. Oier Ibarbia zamaltzain lanetan ibili da, Josu Garate enseinari, Ainhoa Larrañaga kantiniersa, Ekhi Zugasti gathuzain eta Aiert Ibarbia txerrero. Barrikada, gabota eta godaleta dantzatu dituzte Jose Miguel Laskuraineko jotako txirularen erritmora. Prestatzeko asti gutxirekin ibili bagara ere, txukun aritu dira txirulari eta dantzariak, eta azkenean lortu dugu kantiniersak ardo godaleta osorik edatea!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com