Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Denok dantzara Euskal Jaian Deportiboaren 100. urteurrena ospatzeko

Dokumentuaren akzioak

Denok dantzara Euskal Jaian Deportiboaren 100. urteurrena ospatzeko

Kezka dantza taldea Kezka dantza taldea
2024/01/04 16:20
Denok dantzara Euskal Jaian Deportiboaren 100. urteurrena ospatzeko

Eibarko dantzariak Euskal Jaian 2015. urtean. Argazkia: Iñaki Zugasti

Datorren urtean, Eibarko Klub Deportiboak 100 urte beteko ditu eta hori dela eta 59. Euskal Jaia berezia izango da. Kezka Dantza taldekook urteurrena dantzan eta txistua jotzen ospatzeko asmoa dugu. Horregatik, Eibarko dantzari eta txistulari guztiei, belaunaldi eta garai guztietakoei, dei egiten dizuegu datorren maiatzaren 26an, 59. Euskal Jai egunean, plazan denok elkarrekin jarduteko. 

Beraz, inoiz dantzan edota txistua jotzen aritutakoa bazarete, berriro plazara irteteko gonbidapena egiten dizuegu hemen. Parte hartu nahi duzuenok izena emateko hainbat bide dituzue:

  1. Sartu lotura honetan eta bete inprimakia.
  2. Bete Eibarko Klub Deportiboan utziko ditugun inprimakiak.
  3. Idatzi Whatsapp bidez Kezka Dantza taldearen zenbaki honetara: 605 711429 (izen-abizenak, telefono zk, emaila eta dantzaria ala txistularia zaren).

Dantzariak

Iribasko ingurutxoa, Imotz eta dantza-soltea dantzatuko dira, eta nahi duenarentzat entsegu-egunak antolatu dira: zenbait ostegun, ostiral eta larunbatetan, norberak ahal edo nahi dituen egunetan etortzeko. Entsegu guztiak Errebalen izango dira. 

 

Ostegunak (19:30) Larunbatak (10:30) Ostiralak (19:00)
Urtarrilak 11 Urtarrilak 27
Otsailak 15 Otsailak 24
Martxoak 14 Martxoak 16
Apirilak 11 Apirilak 20 Maiatzak 10
Maiatzak 4 Maiatzak 17

 

Txistulariak

Txistulariek, batetik, txistu-poteorako biribilketak joko dituzte eta, bestetik, dantzarako betiko kantuak. Entsegu-egunak oraindik zehaztu gabe dauden arren, martxotik aurrera izango dira, Errebalen horiek ere. 

Informazio hau guztia eta aurrerantzean argitaratzen joango garena, Kezka Dantza taldearen webgunean aurkituko duzue, honako helbide honetan:

https://www.deporeibar.com/dantzak/euskal-jaia-2024-depor-100/

Izena eman duzuenei, urtarriletik aurrera whatsapp bidez helduko zaizue informazioa. 

Eibarko Klub Deportiboaren 100. urteurrena denok batera ospatzeko desiatzen gaude. 

Animatu eta etorri gurekin dantzara edota txistua jotzera!

 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com