Hemen zaude: Hasiera Komunitatea Kezka dantza taldea Dantza Coliseoan: Dantzaz Konpainia: Itzalak / Txoriak

Dokumentuaren akzioak

Dantza Coliseoan: Dantzaz Konpainia: Itzalak / Txoriak

2015/09/30 10:00

2015eko urriak 2, ostirala 20:30ean

Itzalak - Txoriak dantza ikuskizuna aurkeztuko du Dantzaz konpainiak urriaren 2an Coliseo Antzokian. Bi euskal musikari lotzen ditu Dantzaz konpainiaren lan honek eta lotura horretan bi koreograforen proposamenak dakartzate, Paolo Mohovich italiarrarena eta Josu Mujika elgoibartarrarena hain zuzen ere. Eibarko hainbat dantzari gazteren irakaslea da Josu Mujika. Dantzaz konpainiak publiko guztietara eraman nahi du dantza garaikidea eta koreografo bakoitzak musikari baten piezak hartuta garatutako koreografiak izango dira horretarako bidea. 70 minutuko iraupena izango du ikuskizunak.

Dantzaz: Itzalak / Txoriak

  • Itzalak lehenengo proposamenak, Juan Crisostomo Arriagaren musika eta Paolo Mohovich-en koreografia elkartzen ditu. Argia eta itzalarekin jolasean gorteko amodiozko harremanak taularatzen ditu Mohovich-ek dantza-garaikidearen bitartez.
  • Txoriak (zoroen itsasoa) lanak aldiz, Mikel Laboaren musika eta Josu Mujikaren koreografiak uztartzen ditu. Honela Laboaren piezek erakusten duten askatasuna, osasun mentala edo erotasuna batzen ditu pieza honek, Iñaki Salvadorrek, Laboaren musika oinarritzat hartuta egindako musika piezaren erritmora.

Dantzaz konpainia: Itzalak / Txoriak

Itzalak

  • Koreografia: Paolo Mohovich
  • Musika: Juan Crisostomo Arriaga
  • Argiztatzea: Alberto Arizaga.

Txoriak

  • Koreografia: Josu Mujika.
  • Musika: Mikel Laboa eta Iñaki Salvador.
  • Argiztatzea: Alberto Arizaga.
  • Zuzendaritza artistikoa: Adriana Pous.
  • Dantzariak: Jone Amezaga, Carmen Derre, Garazi Etxaburu, Valerio di Giovanni, Axier Iriarte, Sune Klausen, Richard de Leyos, Agustin Martinez, Paula Parra, Nora Paneva, Josu Santamaria et Rafke Van Houplines.
  • Zuzendaritza eta talde teknikoa: Alberto Arizaga eta Eragin Stac.
  • Jantziak: Venedetta Orsoli.
  • Zuzendaritza orokorra: Fernando Saenz de Ugarte.

    Dantzaz Konpainia: Itzalak / Txoriak
    2015eko urriak 2, ostirala 20:30ean
    Eibar, Coliseo Antzokia.
    Sarrera: 6

     

    Dokumentuaren akzioak

    Erantzun

    Erantzuna emateko identifikatu egin behar zara, gure webgunean erabiltzaile bat sortuz.

    Kezka dantza taldea

    Kezka dantza taldea

    Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

    Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

    2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

    Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

    1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



    Kezka Dantza Taldea
    Portalea Kultur Etxea
    Bista Eder kalea
    20600 Eibar
    Tfnoa: +34 605 71 14 29
    kezka@dantzan.com