Arrate 2010 akorduan, 2011ko dantzak iritsi aurretik

2011ko Arrateko Amaren dantzak gertu ditugu, baina aurretik, 2010eko kronika egin nahi genuke. Izan ere, komunikabideetan ekitaldiak izandako oihartzunaren berri eman genuen, baina iragarritako argazki eta kronika ez ziren argitaratu, eta bada ordua zorra kitatzeko.

Pasa den 2010eko irailaren 8an, seigarren urtez egin genituen Arrateko ezpata-dantza eta trokeo-dantzak Arraten bertan. Bost gonbidatu berezi izan genituen ekitaldi horretan:

• Fernando Aristizabal. Argia dantzari taldeko dantzaria eta dantza-maisua.
• Ion Olano. Tolosako Udaberri dantza taldeko dantzaria izana, Tolosako bordon-dantzan buruzagi lanak bete ditu urte askoan.
• Andoni Iriondo. Debako Gure-Kai dantza taldeko arduraduna eta bertako San Roke dantzan dantzari, buruzagi eta sustatzailea azken 20 urteotan.
• Lisa eta Enrike Corcostegui. Renoko (Nevada, AEB) Zenbat Gara dantza taldeko dantzari eta zuzendariak.

Arrate 2010 argazki-kronika

Ohi bezala, Arrateko udalekuan jantzi eta taldeko argazkia eginez hasi zen dantzarion eguna Arraten. Hogeitamazazpi dantzari elkartu ginen ezpata-dantza eta trokeo-dantzak egiteko prest.

Gonbidatu eta bakarlarien argazkia Arrateko baselizaren aurrean. Ezkerretik hasita: Enrike Corcostegui, Lisa Corcostegui, Fernando Aristizabal, Andoni Iriondo, Ion Olano eta Josu Garate.

Hamaiketako mezan, ezpata-dantza elizara sartzen.

Lisa Corcostegui eta Andoni Iriondo Arrateko Amaren aurrean ezpata-dantza dantzatzen.

Meza bukaeran, prozesioa, Usartzako txistulariek lagunduta.

Salbea kantatzen Eibarri begira.

Eta prozesio bukaeran, ezpata-dantza berriz, Ama Birjinaren aurrean.

Ezpata-dantzari taldea Arrateko zelaira sartzen.

Arrateko ezpata-dantza zelaian.

Behin ezpata-dantza bukatuta, trokeo-dantzen txanda. Makila txikien dantzan Enrike Corcosteguik egin zuen buruzagi zortzikoa.

Makila txikien jokoa:

Makil handien dantzaren buruzagi zortzikoa Fernando Aristizabalek dantzatu zuen.

Hirugarren buruzagi zortzikoa, brokel-makilenaren zortzikoa Ion Olanok dantzatu zuen.

Behin trokeo-dantzak bukatuta, ezpatak hartu berriz eta iriarenarekin eta iruñeko dianarekin atera ziren dantzariak zelaitik.

Ohi bezala, bazkalostean, eskertzak eta liburuan sinadurak egin genituen.

Mila esker gonbidatuei, baita dantzaldian parte hartu zuten beste urte batzuetakoei ere, eta oro har, Arrateko dantzarien kofradiako kide guztiei. Irailaren 8an Arraten elkar ikusiko dugu berriz.

• Arrate 2010. Argazkiak Felipe Loyola eta Iñaki Zugasti.