Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Kezka dantza taldea › Arbeit asfreit, ist gut ruhen singelin

Dokumentuaren akzioak

Arbeit asfreit, ist gut ruhen singelin

Kezka dantza taldea Kezka dantza taldea
2008/02/01 08:43
Koko-dantzak pasa ziren. Ez dugu horretaz lerrorik ez argazkirik jarri, baina etorriko dira, bata bukatu eta hurrengoarekin hasi baikara buru-belarri. Gaur kaldereroak ditugu Eibarren. 19.30etan bilduko gara Urkizun, eta ohiko ibilbidea egingo dugu, Estaziñotik pasa, errebal eraitsi berriaren ondotik gero eta Toribio Etxebarrian lasai kantatu eta dantzatu ondoren Untzagara 21.00ak aldera. Pregoia Ustekabek emango du aurten eta Maitane izango dute gogoan. Guk ere bai. Atzo ensaioan gogoratu genuen urtebete dela Maitane joan zitzaigula. Mutu geratu ginen denok. 
2007-02-16_kaldereroak_FL_0422
Azken dantzak, kantak eta Hartzaren heriotzarekin bukatuko dugu Untzagako saioa. Aurten karpa jarri du Udalak Untzagan (urte askotan lata eman ondoren) eta kaldereroen afaria bertan ospatuko dugu.

Kantuan hungaroz?

Kaldereoetako kantetako batek, Hungariar kanta izena duenak hain zuzen ere, ustez hungaroz ditu hitzak. Baina ez omen da hungaroa, ezta bulgaroa edo rumanoa ere ez. Hitzok ez dute esanahirik! Kaldereroen hizkuntza "hungaroa" edo... irudikatu nahi dute, eta asmatuak dira.

Nach geta mer nach
geta mer nach
Nach geta mer nach

Arbeit asfreit
Ist gut ruhen singelin
Arbeit asfreit
Ist gut ruhen singelin

Est mur ser lunch
Est mur ser lunch
Frais ken for len
Wolmiach on men
Beraz, hungaroz esaten den bezala: Frais ken for len wolmiach on men!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

2015eko maiatzaren 30ean eta 31n ospatu zen Ezpalak jaialdia Eibarren eta Iruñean. Nafarroako jaialdiaren kronika orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com