Orain 60 urte estreinatu zen Kezka dantza taldea

1958ko apirilaren 13an egin zuen Eibarko Klub Deportiboko dantza taldeak lehen emanaldia, Arraten. Gregorio Santa Cruz izan zuen lehen zuzendaria eta oraindik ez zuen Kezka izenik ere. 60 urte bete dira beraz. Orain 10 urte, 50. urteurrenean Arratera igo eta argazkia eta dantza emanaldia egin genituen lehenengo hura gogoratuz.

 Soka-dantzan ospatu genuen urteurrena, mutilek soka bat eta neskek bat atera baikenuen, bukaeran denok batera dantzatuz. Orduko hartan ere Iñaki Zugasti argazkilari lanetan aritu zen eta hara 2008ko apirilaren 13an egindako argazkietako batzuk: