Hemen zaude: Hasiera Komunitatea HERRIXA DANTZAN Herrixa Dantzan saio berezia Escamot Català taldearekin

Dokumentuaren akzioak

Herrixa Dantzan saio berezia Escamot Català taldearekin

2016/11/29 17:35

Abenduko Herrixa Dantzan saioa berezia izango da. Hileko azken igandean ez dugu dantzaldirik antolatuko (Eguberri eguna izanda). Horren ordez, abenduaren 9an folk dantzaldia emango du Kataluiniako Escamot Català taldeak Espaloia Kafe Antzokian, 20:30etan hasita.

Txangoa antolatu dute Kataluiniatik Euskal Herrira zubi-pasa. Hogei lagun pasa etorriko dira txangoan. Tartean, hainbat talde eta dantzalditan aritu ohi diren musikariak. Eta dantzaldi bana eskaniko dute Iruñean (8an), Elgetan (9an) eta Gasteizen (10ean).

Elgetako dantzaldia, ohi bezala Espaloia Kafe Antzokian izango da. Gaur egun kafe-antzokiko taberna itxita dagoenez, Eko Taloak enpresak edatekoak eta talo goxoak eskainiko ditu 20:00etatik aurrera eta dantzaldia bitartean. Talo benetan goxoak prestatzen dituzte: %100 arto ekologikoz eginda, eta betegarri bereziekin (bakailaua, barazkiak, gazta, txokolatea, txorizoa...).

Horixe da plana, beraz: afari-pasa eta dantza. Talo-dantza.

Berriz ere inguruko dantzazaleen bilgune izango da Espaloia Kafe Antzokia. Oraingoan, baina, Debagoiena, Debabarrera eta Durangaldekoekin, Kataluiniatik etorritako dantzariak ere nahastuko dira. Laguntzailea: Elgetako Udala.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Herrixa Dantzan saio berezia Escamot Català taldearekin

Escamot català iaz Gasteizen

HERRIXA DANTZAN

HERRIXA DANTZAN

HERRITARRAK PLAZAN ELKARREKIN DANTZAN

 

Plazako dantza tradizionala ikasi, aberastu, elkarrekin gozatu eta zabaldu.

Dantza... jalgi hadi plazara!!

 

Ikastaroak 2017-18

Gidatutako dantzaldiak

Dantza afari tematikoak

Ikastaro monografikoak

 

 

 

HARREMANETARAKO

Patxi Montero

Tel. / Whatsapp: +34 675944609

www.herrixadantzan.eus

 

 


Babestu dantzan.com