Hemen zaude: Hasiera Komunitatea Haritz EDT San Bartolome eguneko soka-dantzak 50 urte

Dokumentuaren akzioak

San Bartolome eguneko soka-dantzak 50 urte

2014/09/19 12:00

Beti izan ohi da hunkigarria eta dotorea San Bartolome eguneko soka-dantza, baina urteurrenek batetik, eta aurreskulari eta atzeskulariaren erreleboak bestetik sinbolismoz blaitu zuten aurtengoa. Guztiz eder, hortaz, Elgoibarko plaza, eguraldia ere lagun.

2014-08-24_San-Bartolome-eguneko-soka-dantza_Soarte-_9309

Izan ere, alde batetik 80. soka-dantza izan genuen pasa diren jaietako hau, eta bestetik, San Bartolome egunez, abuztuaren 24an plazaratzen hasi zenetik ere mende erdia bete zen, aurrez Txiki egunez ospatzeko ohitura baitzegoen. Bi urtemuga borobil inondik inora. Eta ez genuen aukera pasatzen utzi nahi izan, 1964ko soka osatu zuten dantzariei omenaldi xume bat egiteko: Aurreskularia: Luis Gurrutxaga Muguruza, Atzeskularia: Joxe Otaegi Iriarte, Txistulariak: José Antonio Ansola eta Jesús Ansola, Dantza Maisua: Iñaki Gorostiza, Dantzariak: Iñaki Gorostiza Etxaniz, Luis Gurrutxaga Muguruza, Joxe Otaegi Iriarte, José Antonio Ansola, Jesús Ansola, José Antonio Iriondo Sangroniz,Ramón Zabala (+), Iñaki Zendoia, Jose Ignacio Murua (+), José Antonio Zuazubizkar, Anjel Zubiaurre Pujana, Peli Urigüen Aramburu,José Luis Elizburu Alberdi, Patxi Betelu Azurmendi, Tomás Barandiaran Arrizabalaga, Nieves Juaristi Iriondo, Regina Arrieta Soraiz, Arantza Arrieta Soraiz, Arrate Astigarraga (+), Rosita Etxaniz (+), Margarita Aranberri, Rosario Andonegi Garcia, Arantza Andonegi Garcia, Miren Larrañaga Gorriti, Marisol Gurrutxaga, Arrate Aranguren, Edurne Lasa, Consuelo Garcia eta Izaskun Uriguen izan ziren orduko protagonistak, Ongarri kultur taldearen bueltako gazteak denak, eta berrogeita hamar urte beranduago berriro ere plazara atera nahi izan genituen, bai eta bezperako salbearen osten opari bana emanaz eskertu ere orduan egindako ahaleginak.

2014-08-24_San-Bartolome-eguneko-soka-dantza_Soarte-_9877

Bestalde, sokak jarraitzen duenaren adibide garbia izan da aurtengo ekitaldia ere, belaunaldi berri batek hartu baitu bi dantzari protagonisten lekukoa. Azken urteetan Jon eta Unai Lizarralde anaiei lotuak ikusi baditugu bi postuok, aurten dantzari gazteagoei tokatu zaie lan hori: Sergio Agirregomezkortak jardun du aurreskulari lanetan eta Ander Condek berriz atzeskulari. Jonek lehen itzulia egin eta Sergiori eskua ematean sinbolikoki islatuta geratu zen belaunaldi aldaketa, dantzari belaunaldi oso bat ordezkatuta lehen lerrora ekarri zuen momentu hunkigarrian.

2014-08-24_San-Bartolome-eguneko-soka-dantza_Soarte-_9566

Azkenik, behin soka-dantza bukatuta, Udalak eta Elgoibarko Udal Txistulari bandak erretiroa hartu berri duen Marijose Zubiaurre oroitu nahi izan zuten, hainbat urtean Emudafe-ren (Elgoibarko Musika eta Dantza federakuntza) baitan egindako lan eskerga eskertu asmoz.

2014-08-24_San-Bartolome-eguneko-soka-dantza_Soarte-_9664

Eguzki goxopean, emanaldi bikainaz gozatu ahal izan zuten Kalegoen plaza bete zuten ikusleek. Jarrai dezagun bada, beste horrenbeste urtean!

Soarteren argazki sorta hemen. 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

San Bartolome eguneko soka-dantzak 50 urte

Duela 50 urte San Bartolome egunez soka-dantza atera zuten dantzariak eta gaur egungoak, txistulariekin batera. Argazkia: Soarte

Haritz EDT

Haritz EDT

Elgoibarko dantza taldea.

Haritz Euskal Dantzari Taldea

Posta Kutxa: 183

20870 Elgoibar

Tfnoa: +34 686 63 31 78

haritz@dantzan.com

 

Twitter: @haritzedt