Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Haritz EDT San Bartolome eguneko soka-dantza

Dokumentuaren akzioak

San Bartolome eguneko soka-dantza

2016/04/15 09:15
San Bartolome eguneko soka-dantza

Argazkia: Soarte

Iaz berrogeita hamargarren urteurrena bete ondotik, San Bartolome egunez Haritz euskal dantzari taldeak plazaratzen duen soka-dantzak bidea ekinez darrai, eta dotoreziaz bete zen beste behin ere Elgoibarko zaindariaren eguna.

Elgoibar soka-dantza 2015-01
Argazkia: Soarte

Taldeko lau dantzarik meza nagusian Jaunaren aurreko ezpata-dantza dantzatuz ekin zioten egunari, ondorenean Ane Beitia alkate estreinatu berria buru soka-dantzari ekiteko. Aurtengoan Mikel Olaizolak hartu zuen lekukoa aurreskulari lanetan eta atzeskulari berriz Ander Condek jardun zuen bigarrengoz.

Elgoibar soka-dantza 2015-02
Argazkia:Soarte

Soka, urtero bezala Haritz dantza taldeko neska mutilek osatu zuten eta musikari lanetan berriz, Udal Txistulari Bandako kideak izan ziren gurekin. Aurtengoan, Eneko Ansola, Ane Zuñiga, Danel Legorburu eta Enara Gorstizaren kasuan lehenengo soka-dantza izan zen, argi lagaz badatozela aurrerantzean ere txistulari belaunaldi berriak.

Elgoibar soka-dantza 2015-03
Argazkia: Soarte

Beste behin ere eguraldi ederra lagun, soka-dantza izan zen beraz egun handian protagonista. Ekarriko digute hurrengoek ere zer kontatua.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Haritz EDT

Haritz EDT

Elgoibarko dantza taldea.

Haritz Euskal Dantzari Taldea

Posta Kutxa: 183

20870 Elgoibar

Tfnoa: +34 686 63 31 78

haritzdantza@gmail.com

 

Instagram: @haritzedt