Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › HARITZ EDT › Kurtso bukaerako jaialdia

Dokumentuaren akzioak

Kurtso bukaerako jaialdia

HARITZ EDT HARITZ EDT
2010/05/27 20:30

Urtero legez, Trinitate jaien baitan izango du aurten ere dantzak bere lekutxoa, zapatuan izango baita plazan (euririk balitz, kiroldegian), arratsaldeko 6etan, dantza eskolako ikasleen kurtso bukaerako jaialdia. Ikasturtean zehar egindako lana plazaratuko dute Inazio Bereziartua musika eta dantza eskolako dantzari gaztetxoek adi-adi egongo diren guraos eta lagunen begiradapean. Ikasle talde bakoitzak dantza desberdin bat aurkeztuko du, Euskal Herriko txoko ugaritako folklorearen erakusgarri izango den emanaldia osatuz.

 

Haritz dantza taldeko kideok ere gure aletxoa jarriko dugu saioaren amaiera aldera, Arabako dantzen erakustaldi txiki bat eskeiniz. Mutilek zenbait makil-dantza dantzatuko ditugu, neskek “Cuatro Calles” eta “Jota la Perra”-rekin emango diogu denok bukaera. Ezin ahaztu noski, beti bezain fin jaiari musika jartzeaz arduratuko den udal txistulari banda ere.

 

Zita ipinita dago, beraz.

 

 

 

Iaz, euria zela eta, Udaletxeko arkupean bukatu genuen dantzan.

 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

HARITZ EDT

HARITZ EDT

Haritz Euskal Dantzari Taldea

ELGOIBAR | 1973

Posta Kutxa: 183

20870 Elgoibar

Kontaktua:

Tfnoa: +34 686 63 31 78

Email: haritzdantza@gmail.com

Instagram: @haritzedt