Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Haritz EDT Dantzaren Nazioarteko Eguna

Dokumentuaren akzioak

Dantzaren Nazioarteko Eguna

2020/04/29 18:33
Dantzaren Nazioarteko Eguna

Soka-dantzaren lehen argazkia. 1919.

1919 / 2019. 100 urteko aldea soka-dantzaren lehenengo argazkitik azkenekora, eta elgoibartarrok dantzan jarraitzen dugu.

DANTZA: “Gorputz higidura arin eta kateatuen multzoa, batez ere doinu baten arabera egiten dena”. Hauxe da Euskaltzaindiak dantzaren inguruan ematen duen definizioa, guretzat, aldiz, dantzatzea hori baino askoz ere gehiago da. Dantzatzea sentitzea da, sortzea, pentsatzea, adieraztea, komunikatzea, erlazionatzea, hausnartzea, libre izatea, BIZITZEA.

Gure dantza taldea 1973. urtean sortu zen Elgoibarren. Landatu berri dauden hazien gisan, hasierako momentuak zailak izan ziren, lan karga handia ekarri zuten orduko arduradunentzat, baina, beraien maitasun, indar, ilusio eta etengabeko dedikazio eta esfortzuari esker, gaur egun, 47 urte geroago, gure dantza taldeak bizirik jarraitzen du hasierako ilusio guztiarekin. Landatutako hazi hura loratu dela esan dezakegu. Ez da landare liluragarri eta perfektua, jausitako hostoak ditu, hautsitako adarren bat… bizitzako momentu guztien adierazgarri.

Urte hauek guztietan etapa ezberdinetatik igaro gara, momentu itzelak pasa ditugu elkarrekin, taldeko beteranoen esperientzia eta jakintzaz baliatuz eta gaztetxoenen indarra eta ilusioari eutsiz aurrera jarraitzea eta gaur egun aurkitzen garen puntu honetara iristea lortu dugu.

Hala ere, gure dantza taldean ez gara dantza egitera mugatzen soilik, dantza egiteak taldekideon artean harreman estuak sortzea ahalbidetu du, lagunak, bikotekideak… Horregatik, gaur, dantzaren nazioarteko egunean zuek ere dantza egitera gonbidatu nahi zaituztegu. Askatu zuen burua eta gozatu dantzan, libre izan. Guk behintzat argi dugu. 1973.urtean landatutako hazi hura loratzen jarraituko dugu.

Ez dadila soka eten.
BIZI DANTZAN, DANTZAN BIZI!

Soka-dantza 2019
Soka-dantza 2019
Soka-dantzako lehen argazkia. 1919
Soka-dantzaren lehen irudia. 1919

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Haritz EDT

Haritz EDT

Elgoibarko dantza taldea.

Haritz Euskal Dantzari Taldea

Posta Kutxa: 183

20870 Elgoibar

Tfnoa: +34 686 63 31 78

haritzdantza@gmail.com

 

Instagram: @haritzedt