Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Haritz EDT Beasaindik Lastur eta Aiastiara

Dokumentuaren akzioak

Beasaindik Lastur eta Aiastiara

2010/09/17 17:04

Joan den astean Beasainen izan baginen dantzan, datorren bi zapatuetan emanaldi bana emango dugu Lastur eta San Migelen, azken urteotako bi plaza fideleetan.

Lehenengo zita larunbat honetan izango da, arratsaldeko 6etan Lasturko frontoian. Badira urte batzuk Haritz dantza taldeko kideok bertako jaietan parte hartzen dugula, dela geuk bakarrik edo dela Debako Gure Kai eta Eibarko Kezka taldeen konpainian. Aurten ere eibartarrekin batera Euskal Herriko hainbat dantza eskeiniko ditugu: Lesakako dantzak, Jaurrietako nesken-dantza, Iribasko ingurutxoa, dantzari-dantza…

Bestalde, irailaren 25ean, larunbata, Elgoibarko Aiastia auzoan izango gara, San Migel jaien baitan gure ekitaldiarekin. Urteroko zita da hau ere, eta aurten ere ez dugu hutsik egingo; gaueko 22:30etan hasiko da dantza-saioa. Gogoan izango dugu noski duela urte eta erdi utzi gintuen Borja Uzuriaga auzoko dantzaria.

Azkenik, ezin aipatu gabe utzi aurreko larunbatean Beasaina egindako buelta. Beste hainbat herritako ezpata-dantzariekin batera han izan ginen Elgoibarko Errosarioko Amaren kofradiakook ere, eta oso gustura itzuli ginen bertatik. Ikuskizun ederra eskaini zuten Igartzako dantzariek, eta inguru monumental bikainaren eta eguraldiaren laguntzaz eguerdi aparta osatu zen. Eskertzekoak baita bazkaria eta talde bakoitzari emandako Igartzako dantzarien domina ere. Dena horren txukun antolatzen norbaitek egingo zuen lan, eta beraz, beraientzat gure esker eta zorionak!

Aritz Ibañez-ek ateratako Beasaingo argazki sorta.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Haritz EDT

Haritz EDT

Elgoibarko dantza taldea.

Haritz Euskal Dantzari Taldea

Posta Kutxa: 183

20870 Elgoibar

Tfnoa: +34 686 63 31 78

haritz@dantzan.com

 

Twitter: @haritzedt