Laia Santanachekin ikastaroa (H)ik Dantza landu programan

2020/10/12

Haatik Dantza Konpainiak eta Gipuzkoako Dantzaguneak, Eusko Jaurlaritzaren laguntzarekin antolatutako (H)IK DANTZA LANDU 2020 programaren barnean antolatu dugun bigarren ikastaroaren informazioa bidaltzen dizuegu.

Oraingo honetan Laia Santanach Bartzelonako UABn dantza eta sorkuntza irakaslea izango da ikastaroa eskainiko duena. Urriak 19tik 23ra, 18:30etatik 20:30etara. Ikastaro guztiak Gipuzkoako Dantzagunean (Errenterian) eramango dira aurrera. Bakoitzak 60euroko kostua izango du, 50 eurokoa ADDE edo ARTEKALE elkarteetako bazkideentzat. Ikastaroek plaza mugatuak izango dituzte eta izen emateak Haatik konpainiaren webgunean egin beharko dira.

Santanachen klaseak beroketa aktibo batekin hasten dira bere klaseak, gorputza ondo prestatu eta klasearen amaierara errendimendu maximoarekin iristeko, mugimenduan dagoen gorputzaren mugak ikertzen dira. Horretarako lurreko lana eta zutikakoa aldizkatzen ditu. Enborra, espiralak, tortsioak, desorekak eta suspentsioak lantzen dira, baita mugimendu dinamikak eta hauen musikalitatea.

Klasean, dantza materiala lantzen da eta horretan oinarrituz inprobisazio eta konposaketa erregelak aldizkatzen dira, garrantzia berezia jarriz norberaren izaerari eta interpretazioa eta sortzailetasuna garatzeari.

Hurrengo ikastaroak

Nicolas Ricchini – Id motion. Azaroak 7tik 8ra.
Carmen Larraz – Gorputz elektrikoa. Azaroak 21tik 22ra.
Diego Sinniger – Sorkuntza kontzientzia mugimenduan. Azaoak 30etik Abenduak 4ra.

Haatik Dantza Konpainia

2011. urtetik, Haatik Dantza Konpainia gipuzkoarrak sorkuntza propioetan lan egiteaz gain, hainbat sortzaileekin elkarlanean aritzen da proposamen artistiko ezberdinak eskeiniz.

Euskara eta euskal kultura, konpainiaren nortasunaren oinarri dira eta bere sustraien eta bide berriagoen arteko zubiak eraikitzen ditu.

2012. urtean aurkeztutako Errimak oinetan ikuskizuna izan zen konpainia ezagutzera eman zuen lana. Betsolaritza eta dantza uztartu zituen proposamen honek, emanaldi ugari egin zituen euskal herri osoan zehar. Eta ikusle eta kritikaren oso harrera ona jaso zuen.

Orduz geroztik, Vitali Safronkine, Iker Arrue bezelako sortzaileekin herreman estua izan du Ilargiaren Malkoa edo Hormek Diote bezelako lan ikusgarriak aurrera eramanez. Eta taldeko dantzarien etengabeko formazioan sakondu Abhilash Ningappa, Miquel Barcelona, Laura Vilar, Janet Novas eta Laia Santanach bezalako koreografo eta irakasleak jasoz.

2014. urtean kalean eskaintzeko ikuskizunak sortzeko bidea egiten du Haatikek. Eta ordu ezkero nazioarteko jaialdi esanguratsuetan izan da bere lanak aukezten. Euskal Herrian Kalealdia, Kaldearte eta Leioako Umore azokan, penintsulan Valladolideko TAC eta Bartzelonako NunOff, eta baita Frantziako Fest´arts, Les Sarabandes edo Musicalarue bezalako jaialdietan.

Azken urteetan bizitako ekoizpenik nabarmenena Dss2016-k abian jarritako “Hormek diote” proiektua izan da. Maila handiko artistekin aurrera eramandako kolaborazio proiektua izan zen. Non, Koldo Almandoz zinegilearen zuzendaritza artistikoaren gidaritzapean, bizikidetza eta elkarbizitzari buruzko hausnarketa sakona egin zuten Pascal Gaigne musikagile ospetsuarekin elkarlanean.

Haatikek dantzaren sorkuntza eta erakusketaz haratago, dantza gizartera hurbildu eta arte eszenikoen sektoreko beharrak asetzeko helburuarekin, dantzaren formazio, sensibilizazio eta zabalkunderako ildo ezberdinetan lan egiten du (H)IK DANTZA egitsmoaren bitartez.