Dokumentuaren akzioak
Hik Dantza Landu 2022: Rober Gómez
Haatik Dantza Konpainia
HIK DANTZA LANDU 2022 Rober Gómez
Hik Dantza Landu 2022ari amaiera emateko, Gironatik datorren Rober Gómez (@titoroberotto) izango dugu gure artean abenduaren 10ean eta 11n.. Ibilbide oparoa duen dantzari honek Bonachela, Galili Dance, Club Guy and Roni, Gelabert-Azzopardi, Staatstheater Oldenburg, Staatstheater Mainz, La Veronal eta Sol Picó konpainietan eta Maura Morales kooperatiban ere egiten du lan. Gaur egun Hotel Col.lectiu Escènic zuzentzen du.
-
Dantzagunean eskeiniko duen ikastaro trinko honen helburuetako bat "gorputzaren sarrera atea" zein ote den deskubritzea izango da. Nola lan egin edozein baldintza, egoera edo lesio kontutan izanda? Gorputz libre edo lesionatu batek erraminta egokiekin, aurrera eraman dezake eskatutako lana. Pentsatzen duen gorputza eta intuizioa duen burua.
Ez galdu aukera eta gorde zure lekua!
http://www.haatik.com/eu/hik-dantza/landu/rober-gomez/
Dokumentuaren akzioak
Erantzun
Haatik Dantza Konpainia
2011. urtetik, Haatik Dantza Konpainia gipuzkoarrak sorkuntza propioetan lan egiteaz gain, hainbat sortzaileekin elkarlanean aritzen da proposamen artistiko ezberdinak eskeiniz.
Euskara eta euskal kultura, konpainiaren nortasunaren oinarri dira eta bere sustraien eta bide berriagoen arteko zubiak eraikitzen ditu.
2012. urtean aurkeztutako Errimak oinetan ikuskizuna izan zen konpainia ezagutzera eman zuen lana. Betsolaritza eta dantza uztartu zituen proposamen honek, emanaldi ugari egin zituen euskal herri osoan zehar. Eta ikusle eta kritikaren oso harrera ona jaso zuen.
Orduz geroztik, Vitali Safronkine, Iker Arrue bezelako sortzaileekin herreman estua izan du Ilargiaren Malkoa edo Hormek Diote bezelako lan ikusgarriak aurrera eramanez. Eta taldeko dantzarien etengabeko formazioan sakondu Abhilash Ningappa, Miquel Barcelona, Laura Vilar, Janet Novas eta Laia Santanach bezalako koreografo eta irakasleak jasoz.
2014. urtean kalean eskaintzeko ikuskizunak sortzeko bidea egiten du Haatikek. Eta ordu ezkero nazioarteko jaialdi esanguratsuetan izan da bere lanak aukezten. Euskal Herrian Kalealdia, Kaldearte eta Leioako Umore azokan, penintsulan Valladolideko TAC eta Bartzelonako NunOff, eta baita Frantziako Fest´arts, Les Sarabandes edo Musicalarue bezalako jaialdietan.
Azken urteetan bizitako ekoizpenik nabarmenena Dss2016-k abian jarritako “Hormek diote” proiektua izan da. Maila handiko artistekin aurrera eramandako kolaborazio proiektua izan zen. Non, Koldo Almandoz zinegilearen zuzendaritza artistikoaren gidaritzapean, bizikidetza eta elkarbizitzari buruzko hausnarketa sakona egin zuten Pascal Gaigne musikagile ospetsuarekin elkarlanean.
Haatikek dantzaren sorkuntza eta erakusketaz haratago, dantza gizartera hurbildu eta arte eszenikoen sektoreko beharrak asetzeko helburuarekin, dantzaren formazio, sensibilizazio eta zabalkunderako ildo ezberdinetan lan egiten du (H)IK DANTZA egitsmoaren bitartez.
