Groupe traditionnel Ossalois: Biarnoko ahaideak

Zuberoa ondoko Biarnon ere badute dantza-jauziak egiteko ohitura.
"Sauts" edo "saut basque" deitzen diete haiek eta Euskal Herriko dantzen eragina
nabarmena da Ausseau bailarako dantza hauetan. Izenei erreparatuz gero
"le mMonein", "le Moutchicou"... topatuko ditugu; izenetan, doinuetan eta
urratsetan , beraz, gure jauzien gertuko ahaide, zalantzarik gabe.<br>
<br>Ezpalak-en parte hartuko duen "Groupe traditionnel ossalois", ez da
ohiko dantza talde bat. Jean Luc Mongauge "tambourinaire" biarnesak
egun honetarako espreski bildutako dantzari taldea baizik.<br>
<br>Ezpalak jaialdian honako dantzak erakutsiko dituzte: "la Crabo",
"le Peyroutou", "le Monein" eta "le Moutchicou" izeneko "sauteak".
Dantza hauek, gure jauzien gisan, zirkuluan egiten dira, eta biarnesen
irudiko antzinako dantzak dira, guda-jatorria edo jatorri iniziatikoa
izan dezaketenak. Ausseau-ko (edo Ossau) dantzak berariazkoak dira eta, etenik
gabe transmititu dira belaunaldiz belaunaldi.<br>
<br>Dantzei doinua jartzen diete "Tambouri" sokadun danbolinak eta "Accordéou" soinu diatonikoak. Esan bezala, dantzariak ez dira folklore
dantza talde bateko kideak, herriko jaietan dantzatzen duten
herritarrak baizik.<br><br><img src="http://farm4.static.flickr.com/3407/4594971328_27133a03f1.jpg"><br>