Hemen zaude: Hasiera Komunitatea Ezpalak jaialdia Esbart català de dansaires – Bartzelona (Katalunia)

Dokumentuaren akzioak

Esbart català de dansaires – Bartzelona (Katalunia)

2013/04/15 19:13

Esbart Catalá de Dansaires elkartea 1908. urtean sortu zen Bartzelonan. Bere helburua, oro har, Kataluniako dantza tradizionala ikertzea, babestea eta ezagutaraztea da. Kataluniako dantza talderik zaharrena da, oso pisu handiko elkartea, eta errekonozimendu-sari handiak merezi izan ditu. Gurean, beste batzuekin batera, ball de Sant Ferriol izeneko dantza eskainiko dute. Oso pieza ezaguna da Katalunia osoan, eta umeei azaltzen zaien Vienako San Ferriol-en istorioarekin lotzen da: Ferriol lapur-kuadrila baten buruzagia izaki, lapurretak tabernan ospatu eta artean dantza-pausu batzuk ere markatzen omen zituzten.   Urteekin bizimodua aldatu nahi izan omen zuen, eta ordura arteko lagunak ere konbentzitzen saiatu zenean, hil egin omen zuten. Ardo-zahato baten azpian lurperatu, eta handik aurrera zahato hark beti eman omen zuen ardoa, agortu gabe. Izan ere Sant Ferriol-ek, mirakuluz, atzaparrez ikutzen omen zuen zahatoa, eta horregatik Sant Ferriol-en dantzaren parte baten dantzariek atzaparra gora begira daramate.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Ezpalak jaialdia

Ezpalak jaialdia

Duguna eta Kezka dantza taldeek antolatuta, 2017ko maiatzaren 27an eta 28an burutuko da Ezpalak Dantza Tradizionalaren Nazioarteko Jaialdia Iruñean eta Eibarren.

Orain arteko Ezpalak

2006 Ezpata-dantzak
2007 Makila-dantzak
2008 Arku-dantzak
2009 Karaktere-dantzak
2010 Dantza-jauziak
2011 Bikoteko dantza soltea
2012 Zinta-dantzak
2013 Sorgin-dantza eta bere ezpalak
2014 Ttun-ttuneroak dantzari begira
2015 Soka-dantzak
2016 Ezpata-dantzak
2017 Zaldikoak dantzan