Hemen zaude: Hasiera Komunitatea Ezpalak jaialdia Baztandarrak: Baztango mutil-dantzak

Dokumentuaren akzioak

Baztandarrak: Baztango mutil-dantzak

2010/05/07 10:06

Baztango mutil-dantzak dantza-jauzien genero nagusian kokatzen baditugu ere, badituzte hainbat ezaugarri bereizgarri. Hilario de Olazaran-ek XX. mende hasieran aipatzen zuenez, Baztango adinekoek hogeitabost mutil-dantza ezagutzen zituzten, baina 60ko hamarkadan Jean Michel Guilcherrek galdetu zituen dantzariek hamalau jauzi baino ez zituzten ezagutzen. Gaur egun berriz ere berpiztu dituzte galtzen joan direnetako batzuk.<br><br>Borobil handi batean egin ohi dira mutil-dantzak, baina lerro zuzen batean ere dantzatzen dira zenbaitetan, eta borobilean ari direlarik, ordulariaren kontrako norabidean doa taldea mugitzen. Mutil-dantzak dantza-jauzietatik bereizten duten ezaugarri bat dantzariak beren burua jira-biran dantzatzeko duten joera da. Dantza-jauzietan ez dira ohikoak itzuli osoak, eta mutil-dantzetan berriz mugimendu erabilienak itzuliak dira.<br><br>Baztandik etorriko da Iruñea eta Eibarrera mutil-dantzari talde bat. Baztanen, herrietako festetan mutil-dantzak dantzatzen aritu ohi direnetako batzuk dira. Jabier eta Patxi Larralde, txistulari eta dantza-maisuak urteak daramatzate Baztango tradizioak eta mutil-dantzak jotzen, dantzatzen eta biziarazten, eta haien eskutik etorriko da mutil-dantzari talde hau Ezpalak jaialdira.<br><img src="http://farm4.static.flickr.com/3310/4581226285_99a1650101.jpg"><br>

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Ezpalak jaialdia

Ezpalak jaialdia

Duguna eta Kezka dantza taldeek antolatuta, 2017ko maiatzaren 27an eta 28an burutuko da Ezpalak Dantza Tradizionalaren Nazioarteko Jaialdia Iruñean eta Eibarren.

Orain arteko Ezpalak

2006 Ezpata-dantzak
2007 Makila-dantzak
2008 Arku-dantzak
2009 Karaktere-dantzak
2010 Dantza-jauziak
2011 Bikoteko dantza soltea
2012 Zinta-dantzak
2013 Sorgin-dantza eta bere ezpalak
2014 Ttun-ttuneroak dantzari begira
2015 Soka-dantzak
2016 Ezpata-dantzak
2017 Zaldikoak dantzan