Martin Zalakain kanpotik barrura
Dagoeneko antzoki asko zapaldu ditu Martin Zalakain ikuskizunak. Nik, 2019an, Arrasaten izan nuen ikusle gisa gozatzeko aukera. 2020a hasi bezain pronto, gonbidapena luzatu didate: urtarrilaren 18an Elgoibarreko saioan argazkilari gisa joatea.
Dantza, antzerkia eta musika fusionatzen dituen obra hau Pio Barojaren Zalakain abenturazalea eleberrian oinarritua dago eta Juan Antonio Urbeltz da zuzendaria. Ez dut ikuskizunaren spoilerrik egingo, izan ere, argazki bilduma honetan ikusleek ikusteko aukerarik ez dutena bistaratu gura izan dut: oholtza atzekaldeko eta entsegu orokorreko instanteak.
Kantua, jantziak, argiztapena, makilak, zapiak, trallak, akordeak… eta detaile txikiena ere zainduz osatua dago obra, baina, batez ere, maitasunez eta pasioz betetako unibertsoa da Martin Zalakain. Gerturatu eta gozatu!
Argazki galeria
Martin Zalakain hurrengo emanaldiak
- Martxoak 14, Zornotza
- Apirilak 25, Deba
- Maiatzak 23, Beasain
- Irailak 12, Hondarribia
- Urriak 24, Astigarraga
- Azaroak 21, Portugalete
- Abenduak 26, Donostia