Ertza: Meeting point

Noiz	2022/07/25 19:30
Non	Arrigorriaga, La Pérgola
Hitzordua egutegira gehitu	vCal iCal

MEETING POINT_DANTZA ERTZA

Meeting point (Elkargunea) gizakien arteko harremanen inguruko hausnarketa da, dantzaren hizkuntza abstraktuaren bidez adierazitakoa. Ikusleari mugimenduaren bidez azaltzen zaio leku komunaren beharra, non aukera izanen baitugu bestea ezagutzeko, jolasteko, eztabaidatzeko, adiskidetzeko… Interpreteak telebista pantailetan mugitzen dira eta haien artean dantza egiten dute ere. Ikus-entzunezkoek aberasten dute dantzaren bidezko hausnarketa honen agerraldia, pertsonak gizakitzat hartzen eta aldarrikatzen dituena.

Dokumentuaren akzioak

Bidali hitzordua

Ertza

ERTZA, 2004. urtean sortu zen Asier Zabaleta (Ezkio, Gipuzkoa 1.972) dantzari eta koreografoaren zuzendaritzapean, artearen diziplina anitzak dantza gaikidearekin nahastuz, sorkuntza ezberdinak sustatzeko helburuarekin.

ERTZA-k bere ikuskizunekin, gizaki eta gizartearen kontraesanen inguruan galderak plazaratu nahi ditu, eta espazio publikoetarako, nahiz aretoetarako sorturiko produkzioen bitartez, ikusle berriak bilatu.

Sortu zenetik, ERTZA-k ondorengo herrialdeetan erakutsi ditu bere lanak: Txina, Filipinak, Brasil, Peru, Costa Rica, El Salvador, Mexico, Israel, Errusia, Lituania, Luxemburgo, Suitza, Alemania, Frantzia, Italia, Grezia, Polonia, Portugal eta Espainia.

Sorkuntza arloan eginiko lanez haratago, ERTZA-k hainbat formakuntza eta sentsibilizazio proiektu jarri ditu martxan.

ASIER ZABALETAK ONDORENGO HERRIETAN EMAN DITU SORKUNTZA IKASTAROAK:

Geneba (Suitza), Manila (Filipinak), Salvador de Bahía (Brasil), Belo Horizonte (Brasil), Porto Alegre (Brasil), Ipatinga (Brasil), Recife (Brasil), Heredia (Costa Rica), Chelyabinsk (Errusia), San Luis Potosi (Mexiko), Baiona (Iparralde), Maspalomas (Gran Canaria), Sevilla, Burgos, Madrid, Donostia eta Bilbao.

Tresna pertsonalak