Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Ertza › Estreinaldia: Zehar

Dokumentuaren akzioak

Estreinaldia: Zehar

Ertza Ertza
2020/09/01 22:25
Estreinaldia: Zehar

Argazkia: Gorka Bravo

ESTREINALDIA ZEHAR

ERTZA KONPAINIA

SINOPSIA:

Tximeleta askoren bizitzak bi aste besterik ez du irauten. Baina tximeleta bezela jaio aurretik hamar egun bizi zen krisalida moduan, eta aurretik beste bi aste harra izan zen, eta aurretik lau egun arrautza... Non hasi eta non bukatzen da honen bizitza? Nor ausartzen da ziklo segida horretan muga bat jartzen? Inguratzen gaituen guztiak, gu barne, etengabeko mugimendu zikliko batetan parte hartzen du. Jaiotze eta hiltze errepika baten baitan. Eta gure begietara zerbait hiltzen denean, beste ziklo baten parte izatera pasatzen da. Beste mugimendu berri batetan bilakatzen da. Azken finean bizirik darrai nolabait.

Guk asmatutako denbora finitoa motz gelditzen da amaigabeko jario infinito hori neurtzerako orduan.

Hemen, pertsona baten transformazioen testigu izango gara. Itxura, emozio, bizipen eta ikasgai ezberdinetan zehar ordubeteko bidaia bat. Edo hobekiago esanda, bizitza labur bat. Nahiz eta hemen ere zaila suertatu, eszena horiek noiz jaio ziren eta noiz hilko diren esatea

NOIZ, NON, ORDUA:

  • Irailak 12 , Larunbata, 20.00-etan, Gazteszenan (Gazteleraz)
  • Irailak 13 , Igandea, 19.00-etan, Gazteszenan (Euskaraz)

 

FITXA ARTISTIKOA:

  • ZUZENDARITZA: Asier Zabaleta.
  • INTERPRETEAK: Asier Zabaleta, Iñar Sastre.
  • KOREOGRAFIA: Asier Zabaleta.
  • BEREZKO MUSIKA: Iñar Sastre.
  • TESTUAK: Asier Zabaleta.
  • BIDEO EDIZIOA: David Bernués.
  • ARGIEN DISEINUA ETA TEKNIKA: Junki Mayo.
  • SOINU TEKNIKA: Itziar Bote.
  • TEKNIKA: ERAGIN.
  • ESZENOGRAFIA: Pello Artola.
  • JANTZIAK: Asier Zabaleta, Klara Artola.
  • ERAKUSKETAKO ARGAZKIAK: Asier Zabaleta.
  • ERAKUSKETAREN KOMISARIOA: Gorka Bravo.
  • EKOIZPENA: Eukene Sobreviela.
  • BANAKETA: Ines Bermejo.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Ertza

Ertza

ERTZA, 2004. urtean sortu zen Asier Zabaleta (Ezkio, Gipuzkoa 1.972) dantzari eta koreografoaren zuzendaritzapean, artearen diziplina anitzak dantza gaikidearekin nahastuz, sorkuntza ezberdinak sustatzeko helburuarekin.

 

ERTZA-k bere ikuskizunekin, gizaki eta gizartearen kontraesanen inguruan galderak plazaratu nahi ditu, eta espazio publikoetarako, nahiz aretoetarako sorturiko produkzioen bitartez, ikusle berriak bilatu.

 

Sortu zenetik, ERTZA-k ondorengo herrialdeetan erakutsi ditu bere lanak: Txina, Filipinak, Brasil, Peru, Costa Rica, El Salvador, Mexico, Israel, Errusia, Lituania, Luxemburgo, Suitza, Alemania, Frantzia, Italia, Grezia, Polonia, Portugal eta Espainia.

 

Sorkuntza arloan eginiko lanez haratago, ERTZA-k hainbat formakuntza eta sentsibilizazio proiektu jarri ditu martxan.

 

ASIER ZABALETAK ONDORENGO HERRIETAN EMAN DITU SORKUNTZA IKASTAROAK:

 

Geneba (Suitza), Manila (Filipinak), Salvador de Bahía (Brasil), Belo Horizonte (Brasil), Porto Alegre (Brasil), Ipatinga (Brasil), Recife (Brasil), Heredia (Costa Rica), Chelyabinsk (Errusia), San Luis Potosi (Mexiko), Baiona (Iparralde), Maspalomas (Gran Canaria), Sevilla, Burgos, Madrid, Donostia eta Bilbao.

 

ONDORENGO HERRIETAN EGIN DITU EGOITZA ARTISTIKOAK:

 

Baiona eta Biarritz (Iparralde), Salvador de Bahía eta Belo Horizonte (Brasil), Chelyabinsk (Errusia), Burgos (Espainia), Donostia eta Bilbao.