Edukira salto egin | Salto egin nabigazioara

Tresna pertsonalak
Hemen zaude: Hasiera › Komunitatea › Ertza › Ertza 20 urte gala

Dokumentuaren akzioak

Ertza 20 urte gala

Noiz 2024/12/07
19:30
Non Victoria Eugenia Antzokia
Hitzordua egutegira gehitu vCal
iCal
Ertza 20 urte gala

Ertza 20 urte gala

Ertza konpainiak aurten 20 urte betetzen ditu eta hau ospatzeko gala bat antolatu dute: “Esfortzuz, lanez eta emozioz beteriko 20 urte. Bi hamarkada hauetan 23 ikuskizun sortu ditugu konpainiaren baitan eta horiekin, munduan zehar 22 herrialde bisitatu ditugu; eta urtea amaitzerako 680 emanaldi baino gehiago beteko ditugu guztira. Lehen urteak gogorrak izan baziren ere, zenbaki hauek ikustean poz handia hartzen dugu eta horregatik Ertzatik pasa diren dantzari gehientsuenak eta gure ikusle fidelak elkartu nahi ditugu festa handi batetan. Horretarako, 20 urte hauetan eginiko pieza esanguratsuenen koreografia bitxien aukeraketa bat egingo dugu, eta gure bidelagun izan diren hainbat artista gonbidatuko ditugu, hala nola: Harkaitz Cano edo Iñar Sastre.”

Ertza 20 urte galaErtza Konpainia

2024 abenduak 7 • 19:30

24 € / 18 € / 10 €

Victoria Eugenia Antzokia

  • Zuzendaritza: Asier Zabaleta
  • Aurkezlea: Oihana Maritorena
  • Esatari gonbidatua: Harkaitz Cano
  • Pianista: Iñar Sastre
  • Abeslaria: Iosu Yeregui
  • Dantzariak: Thiago Luiz Almeida, Pilar Andrés, María Andrés, Eneko Gil, Valerio di Giovanni, Lorentxa Iturralde, Denis Martinez, Claudio Rojas, Caio Henrique de Souza, Rafke Van Houplines, Noemi Viana, Helena Wilhelmsson, Asier Zabaleta.
  • Argi diseinua: Junki Mayo
  • Eszenografia: Pello Artola, Asier Zabaleta
  • Teknika: Eragin Stac.

Dokumentuaren akzioak

Ertza

Ertza

ERTZA, 2004. urtean sortu zen Asier Zabaleta (Ezkio, Gipuzkoa 1.972) dantzari eta koreografoaren zuzendaritzapean, artearen diziplina anitzak dantza gaikidearekin nahastuz, sorkuntza ezberdinak sustatzeko helburuarekin.

 

ERTZA-k bere ikuskizunekin, gizaki eta gizartearen kontraesanen inguruan galderak plazaratu nahi ditu, eta espazio publikoetarako, nahiz aretoetarako sorturiko produkzioen bitartez, ikusle berriak bilatu.

 

Sortu zenetik, ERTZA-k ondorengo herrialdeetan erakutsi ditu bere lanak: Txina, Filipinak, Brasil, Peru, Costa Rica, El Salvador, Mexico, Israel, Errusia, Lituania, Luxemburgo, Suitza, Alemania, Frantzia, Italia, Grezia, Polonia, Portugal eta Espainia.

 

Sorkuntza arloan eginiko lanez haratago, ERTZA-k hainbat formakuntza eta sentsibilizazio proiektu jarri ditu martxan.

 

ASIER ZABALETAK ONDORENGO HERRIETAN EMAN DITU SORKUNTZA IKASTAROAK:

 

Geneba (Suitza), Manila (Filipinak), Salvador de Bahía (Brasil), Belo Horizonte (Brasil), Porto Alegre (Brasil), Ipatinga (Brasil), Recife (Brasil), Heredia (Costa Rica), Chelyabinsk (Errusia), San Luis Potosi (Mexiko), Baiona (Iparralde), Maspalomas (Gran Canaria), Sevilla, Burgos, Madrid, Donostia eta Bilbao.

 

ONDORENGO HERRIETAN EGIN DITU EGOITZA ARTISTIKOAK:

 

Baiona eta Biarritz (Iparralde), Salvador de Bahía eta Belo Horizonte (Brasil), Chelyabinsk (Errusia), Burgos (Espainia), Donostia eta Bilbao.