Dokumentuaren akzioak
Errenteriako San Juan bezperako soka-dantza sarean
Ereintza Dantza Taldea
Esther Botikario
Ekainaren 23a tradizioz eta mitoz beteriko gau berezia da, Errenterian. Aurten ezingo dira ohiko ekitaldiak ospatu eta gozatu; hala ere, herriko dantzariek ez dute San Juan bezpera ospatu gabe utzi nahi izan eta ohiko soka-dantzarekin bideo berezia osatu dute, Ereintza dantza-taldeak antolatuta. Hainbat udal ordezkari lagun dituztela, herriko dantzari eta txistulariek San Juan bezpera ospatzeko modua emango digute ikus-entzunezko honen bidez.
Jarraian, Iraultza dantza-taldearen iazko Urdiaingo Kantaiaren bideoa ikusteko aukera egongo da.
Emanaldia gaur, asteartea, 20:00etan, esteka honetan egongo da ikusgai: https://herribizia.errenteria.eus/san-juan/
Dokumentuaren akzioak
Erantzun
Ereintza Dantza Taldea
1958an sortu zen Ereintza Dantza Taldea. Euskal Herriko dantza eta tradizioak belaunaldiz belaunaldi trasmititzeaz gain, euskal dantza eta euskal kulturaren sustapenerako lanean hainbat ekimenen antolakuntzan dihardugu.
Euskal Herrian eta nazioartean hainbat emanaldi eskaini ditugu urte guzti hauetan zehar. Horrez gain, herri dantzen sustapenean hainbat ikastaro edo Erromeria Eguna bezalako jaialdien antolatzaile. Errenteria Dantzan Nazioarteko Folklore Jaialdia, Dantzari Txiki Eguna edo Gipuzkoako Dantza Solte Txapelketa dira besteak beste, urtean zehar antolatutako beste hainbat ekimen.
Hau guztia gutxi balitz, Ereintza Dantza Taldeak Errenteriako inauteriak berreskuratu zituen, baita San Juan bezperako soka-dantza ere.
Ereintza Dantza Taldea
Juan de Olazábal 23
20100 Errenteria (Gipuzkoa)
943526553 / ereintzadantzataldea@gmail.com
